ڈی سی لاہور سید موسیٰ رضا نے تحصیل نشتر زون کے مختلف مقامات کے دورے کیے. انہوں نے گجومتہ، کشمیر پکی روڈ، پرانا کاہنہ میں تجاوزات و صفائی ستھرائی اقدامات کا جائزہ لیا. سی او ایم سی ایل شاہد عباس کاٹھیا، اسسٹنٹ کمشنر نشتر زون محمد سلیم آسی و دیگر بھی ان کے ہمراہ تھے.
اسسٹنٹ کمشنر نشتر نے بریفنگ دیتے ہوئے بتایا کہ تجاوزات کے خاتمے کے لئے سخت اقدامات جاری ہیں اور متعدد بار وارننگز نوٹسز دینے کے باوجود تجاوزات کا باعث بننے والوں کے خلاف سخت ایکشن لینے کی ہدایت کی گئی ہے. ڈی سی لاہور سید موسیٰ رضا نے کہا کہ تجاوزات آپریشن میں رکاوٹ بننے والوں کا سامان ضبط کیا جائے اور بھاری جرمانے عائد کئے جائیں، ڈی سی لاہور نے واضح ہدایات کیں کہ مستقل و عارضی تجاوزات کو فی الفور ہٹایا جائے. انہوں نے ایم سی ایل ریگولیشن ونگ کو شہر بھر میں بینرز و اسٹریمرز و پوسٹرز کو اتروانے کا حکم صادر کیا اور کہا کہ بصری آلودگی کا باعث بننے والی تمام اشیاء کو فی الفور ختم کروایا جائے، ڈی سی لاہور نے کہا کہ صفائی میکانزم میں بہتری کے لئے ضروری وسائل بروئے کار لائے جائیں، ڈی سی لاہور نے سی او ایل ڈبلیو ایم سی کو ہدایت کی کہ کوڑا ڈمپنگ سائٹس پر منتقل کروایا جائے. انہوں نے کہا کہ صفائی ستھرائی انتظامات میں کوتاہی برداشت نہیں کی جائے گی، ڈی سی لاہور سید موسیٰ رضا نے کہا کہ مرکزی شاہراہوں سمیت گلی و محلوں میں صفائی نظام کو برقرار رکھا جائے اور انتظامی افسران گلی و محلوں میں بھی صفائی نظام کا ازخود جائزہ لیں. ڈی سی لاہور سید موسیٰ رضا نے کہا کہ وزیر اعلیٰ پنجاب مریم نواز شریف کی ہدایت پر کلین مشن کی تکمیل کے لئے کاوشیں جاری ہیں.
