ستھرا پنجاب پروگرام کے تحت صفائی آپریشن ٹیموں کی جانب سے شہریوں کو صفائی کی بہترین سہولیات فراہمی کے لیے رمضان المبارک صفائی پلان پر عملدرآمد جاری ہے۔ جمعہ کی مناسبت سے شہر لاہور کے تمام 9 ٹاؤنز میں جامع مساجد کی صفائی اور دھلائی کے لیے خصوصی صفائی عملہ تعینات رہا۔نماز جمعہ سے قبل شہر کی تمام جامع مساجد میں صفائی سے متعلق عوامی آگاہی کے اعلانات بھی کیے گئے۔مزید برآں تراویح کے مقامات اور جامع مساجد کے اطراف ایس پی اے ایل کی خصوصی صفائی ٹیمیں تعینات ہیں۔قبرستانوں کے گرد و نواح اور ملحقہ راستوں پر بھی خصوصی صفائی انتظامات یقینی بنائے جا رہے ہیں۔رمضان المبارک کے دوران ستھرا پنجاب آپریشن ٹیمیں تینوں شفٹوں میں متحرک ہیں۔ڈی جی ستھرا پنجاب اتھارٹی بابر صاحب دین کا کہنا ہے کہ شہریوں کو صاف ستھرا اور صحت مند ماحول فراہم کرنا اولین ترجیح ہے۔شہریوں سے گزارش ہے کہ صفائی سے متعلق شکایات کے فوری ازالے کے لیے ستھرا پنجاب کی صفائی ہیلپ لائن 1139 پر رابطہ کریں یا سوشل میڈیا کا استعمال کریں ۔
