وزیر اعلیٰ مریم نوازشریف کی زیر صدارت خصوصی اجلاس، لاہور ڈویلپمنٹ پراجیکٹ پر پیشرفت کا جائزہ لیا گیا۔ڈپٹی کمشنر لاہور سید موسٰی رضا نے لاہور ڈویلپمنٹ پلان پر رپورٹ پیش کی اور بریفنگ دی۔وزیر اعلیٰ مریم نوازشریف نے کنال کی بھل صفائی کرانے کا حکم دیا۔ وزیر اعلیٰ مریم نوازشریف نے مستقبل کی ضروریات کو مد نظر رکھ کر سیوریج سسٹم بنانے کی ہدایت بھی کی۔بریفنگ میں بتایا گیا کہ واسا لاہور میں مجموعی طور پر 780کلومیٹر ایک سے چھ فٹ قطرنئے پائپ بچھائے گا۔پہلے مرحلے میں لاہور میں 450 سیوریج پائپ بچھائے جائیں گےلاہور ڈویلپمنٹ مینجمنٹ انفارمیشن سسٹم کے ذریعے کنٹریکٹ کا آغاز اور نیسپاک ”انسپکٹر ایپ“ کے ذریعے پراجیکٹ کی انسپکشن کر سکے گا۔لاہور ڈویلپمنٹ مینجمنٹ انفارمیشن سسٹم کے ذریعے ڈیجیٹل ٹرینکنگ کی جا سکے گی۔لاہور ڈویلپمنٹ مینجمنٹ انفارمیشن کے ذریعے فزیکل اور فنانشل پراگریس بھی چیک کی جا سکے گی
لاہور ڈویلپمنٹ پلان میں شفافیت سے 16ارب روپے کی بچت کی گئی۔ وزیر اعلٰی مریم نواز شریف نے کہا کہ دیہات میں بھی گلیاں شہروں کی طرح بہترین بنائی جائیں۔ترقیاتی منصوبوں کے معیار پر کوئی سمجھوتا نہیں ہوگا۔ بریفنگ میں مزید بتایا گیا کہ پہلے فیز میں لاہو رکے چھ زون کی تعمیرومرمت اور ڈویلپمنٹ کی جائے گی۔
ڈویلپمنٹ پلان میں فراہمی و نکاسی آب کا نظام،رابطہ سڑکوں اورپختہ گلیوں کی تعمیر شامل ہے۔
سٹریٹ لائٹ کی تنصیب اور پارکس کی بحالی بھی ڈویلپمنٹ پلان میں شامل ہے۔سینئر صوبائی وزیر مریم اورنگزیب، وزیر اطلاعات عظمٰی بخاری،پرویز رشید، وزیر بلدیات ذیشان رفیق،ثانیہ عاشق، چیف سیکرٹری پنجاب زاہد اختر زمان، سیکرٹری بلدیات شکیل احمد میاں، کمشنر لاہور زید بن مقصود، ڈی جی ایل ڈی اے طاہر فاروق اور دیگر نے بھی اجلاس میں شرکت کی۔
