وزیر اعلیٰ پنجاب کی ہدایات کمشنر گوجرانوالہ ڈویژن نوید حیدر شیرازی، ڈی جی پی ڈی ایم اے عرفان علی کاٹھیا کا ڈپٹی کمشنر نوید احمد کے ہمراہ دریائے چناب کا دورہ کیا۔مون سون بارشوں سے دریائے چناب میں ممکنہ سیلابی صورتحال کا جائزہ لیا۔ دریائے چناب میں خانکی کے مقام پر پانی کی آمد اور اخراج کی موجودہ صورتحال کا بھی جائزہ لیا۔
قبل ازیں انہوں نے ڈسٹرکٹ ایمرجنسی سنٹر / ضلعی کنٹرول روم گجرات میں نالوں اور ڈرینز کی صفائی سے متعلق انتظامی اقدامات بارے بریفنگ لی جس میں اربن و دریائی سیلاب کی مینجمنٹ کا تفصیلی جائزہ لیا گیا تھا۔ نالوں کی ڈی سلٹنگ، مشینری کی دستیابی اور عملے کی تعیناتی پر انہیں بریفنگ دی گئی۔ کمشنر گوجرانوالہ ڈویژن نوید حیدر شیرازی اور ڈپٹی کمشنر گوجرانوالہ و گجرات نوید احمد نے ڈی جی پی ڈی ایم اے عرفان علی کاٹھیا کو بتایا کہ ممکنہ سیلابی صورتحال سے نمٹنے کے لیے ضلعی سطح پر تمام تر اقدامات مکمل کر لیے گئے ہیں۔ دورہ کے موقع پر ایڈیشنل ڈپٹی کمشنر جنرل گجرات، ایکسیئن محکمہ انہار، ڈرینیج، ریسکیو 1122 کے افسران بھی ہمراہ تھے۔
