سی ای او ایل ڈبلیو ایم سی بابر صاحب دین کی ہدایت پر شہربھر میں صفائی آپریشن بلا تعطل جاری ہے۔لاہور کی 197 کمرشل مارکیٹس میں صفائی ستھرائی یقینی بنانے کیلئے عملہ تینوں شفٹوں میں تعینات ہے جبکہ رکشہ ٹیمیں گھر گھر سے کوڑ ااُٹھا رہی ہیں۔
عید منا کر واپس آنے والے پردیسیوں کی آمد کے پیشِ نظربس اسٹینڈ، لاری اڈوں اور عوامی رش کے مقامات پرخصوصی صفائی اقدامات کے لیے اضافی عملہ تعینات ہے۔سی ای او بابر صاحب دین کا کہنا ہے کہ شہر لاہور میں بہترین صفائی انتظامات کیلئے ایل ڈبلیو ایم سی افسران، 15 ہزار ورکرز، 1400 سے زائد گاڑیاں تینوں شفٹوں میں فیلڈ میں متحرک ہیں۔شہریوں کو صاف ستھرا ماحول فراہم کرنا ہی ادارے کی اولین ترجیح ہے۔ عید کے موقع پر سالڈ ویسٹ سے متعلق شکایات کا فوری ازالہ کیا گیا۔ سی ای او ایل ڈبلیو ایم سی بابر صاحب دین کا مزید کہنا ہے کہ ہمارے ورکرز ہمارا قیمتی اثاثہ ہیں۔شہریوں سے گزارش ہے کہ ایل ڈبلیو ایم سی کے عملے سے ہر موقعے اور تہوار پر تعاون کریں۔صفائی سے متعلق شکایات و تجاویز کیلئے شہری ہیلپ لائن 1139 پر رابطہ کریں۔
