لاہور ویسٹ مینجمنٹ کمپنی کی جانب سے پاکستان سپر لیگ (پی ایس ایل) 10کے دوران شائقین کرکٹ کو صاف ستھرا ماحول فراہم کرنے کے لیے خصوصی انتظامات کیے جا رہے ہیں۔لاہور قلندر اور پشاور زلمی کے میچ سے قبل قذافی سٹیڈیم اوراس کے اطراف میں 250 سے زائد ورکرز اور8 واشر گاڑیوں کی مدد سے صفائی آپریشن مکمل کیا گیا۔سی ای او ایل ڈبلیو ایم سی بابر صاحب دین کا اس حوالے سے کہنا ہے کہ 
50 سے زائد صفائی ورکرز نے قذافی اسٹیڈیم کے اطراف اور پارکنگ ایریاز میں صفائی ستھرائی یقینی بنائی۔مکینیکل سویپرز کی مدد سے قذافی اسٹیڈیم آنے اور جانے والے راستوں کو کلیئر کیا گیا۔200 سے زائد ورکرز، 15 سپروائزرز، میچز کے دوران قذافی سٹیڈیم میں ڈیوٹی پر مامور ہیں مزید برآں پی ایس ایل میچز کے دوران ہر انکلیوژر میں 15 ورکرز، 01 سپر وائزر ڈیوٹی پر تعینات رہیں گے۔2 واٹر باؤذرز قذافی اسٹیڈیم کے اطراف پانی کا چھڑکاؤ جاری رکھیں گے جبکہ قذافی اسٹیڈیم کو زیرو ویسٹ زون ڈکلیئر کر دیا گیا ہے۔اسٹیڈیم میں ریپرز، شاپرز پھینکنے کی صورت میں 100 روپے جرمانہ ادا کرنا ہو گا ایل ڈبلیو ایم سی صفائی ٹیمیں میچز کے دوران تماشائیوں کو صفائی کی بہترین سہولیات فراہم کرنے کیلئے پر عزم ہیں۔ شائقین کرکٹ سے بھی گزارش ہے کہ وہ میچز کے دوران اسٹیڈیم میں کوڑا کرکٹ پھینکنے سے گریز کریں۔صفائی سے متعلق شکایات کے ازالے کے لیے ہیلپ لائن 1139 پر رابطہ کریں یا سوشل میڈیا کا استعمال کریں۔
