ڈی جی ایل ڈی اے طاہر فاروق کی ہدایات پر ایل ڈی اے ٹاؤن پلاننگ ونگ غیرقانونی کمرشل عمارتوں، کمرشل فیس نادہندگان املاک کے خلاف متحرک ہے۔ ایل ڈی اے ٹیموں نے مختلف سکیموں اور ایل ڈی اے کنٹرولڈ ایریا میں آپریشن کر 68املاک سربمہراور 2غیرقانونی تعمیرات مسمارکر دیں۔ٹیموں نے سمن آباد، مین یو بی ڈی کینال روڈ، جوہر ٹاؤن،گلبرگ، وحدت روڈ، سبزہ زار میں کارروائیاں کیں۔ایل ڈی اے ٹیموں نے پلاٹ نمبر135این، سمن آبادپرغیرقانونی تعمیر مسمار کر دی۔ٹیموں نے کینال روڈ،بالمقابل سوزو واٹر پارک غیرقانونی مارکی کے خلاف آپریشن کیا۔خیابان فردوسی روڈ، جوہر ٹاؤن پر کمرشل فیس نادہندگان املاک کے خلاف کارروائی کر کے 21املاک سیل کر دیں۔ ریکوری آپریشن کے دوران وحدت روڈ اور سبزہ زار میں 25، گلبرگ میں غیرقانونی کمرشل استعمال پر 22املاک کو سیل کر دیا۔سیل کی گئی املاک میں نجی سکول،ریستوران، فو ڈ پوائنٹ، دکانیں، دفاتر ودیگر شامل ہیں۔ آپریشن چیف ٹاؤن پلانرون اسد الزمان اور چیف ٹاؤن پلانر ٹو اظہر علی کی زیر نگرانی کیا گیا۔ڈی جی ایل ڈی اے کی ہدایت پر غیرقانونی تعمیرات،غیرقانونی کمرشل عمارتوں، کمرشل فیس نادہندگان املاک کے خلاف بلاامتیاز کارروائیاں جاری ہیں۔
