وفاقی محتسب جناب اعجاز احمد قریشی نے ریجنل آفس لاہور کا دورہ کیا اور ریجنل آفس لاہور، فیصل آباد، سرگودھا، ساہیوال اور گوجرانوالہ کے ریجنل ہیڈزسے ملاقات کی۔ وفاقی محتسب نے افسران کی کارکردگی کو سراہا ۔ بعد ازاں تمام ریجنل ہیڈز نے اپنے ریجنل آفسز کی کاردگی کے بارے میں بریفنگ دی۔وفاقی محتسب نے افسران کو ہدایا ت جاری کیں کہ وہ فیصلوں پر عمل درآمد کو ہر ممکن کوشش کر کے یقینی بنائیں اور عمل درآمد کے مرحلے میں حائل رکاوٹوں کو جلد از جلد دور کریں ۔ وفاقی محتسب نے اس بات پر زور دیا کہ افسران فیصلوں کے معیار کو بہتر بنائیں تاکہ فیصلوں پر بروقت عمل درآمد کروایا جاسکے اورعوام کے مسائل کا بروقت حل ممکن بنایا جاسکے۔
