ڈی جی ایل ڈی اے طاہر فاروق کی ہدایت پر ایل ڈی اے ٹیموں نے جوہر ٹاؤن میں آپریشن کر کے ایل ڈی اے ملکیتی5,7 اور 10 مرلہ کے کل 9 پلاٹ واگزارکروا لیے،ایل ڈی اے ٹیموں نے ان پر قائم تعمیرات مسمارکر دیں۔ آپریشن ڈائریکٹر ہاؤسنگ سیون یاور ورک کی نگرانی میں کیا گیا۔آپریشن میں جوہر ٹاؤن کے ایچ ون، ایچ ٹو اور ڈی بلاک میں ایل ڈی اے ملکیتی 9 پلاٹ واگزار کروائے گئے۔جوہر ٹاؤن ایچ ون میں 3 پلاٹ، ایچ ٹو میں 4 پلاٹ اور ڈی بلاک میں 1 پلاٹ واگزار کروایا گیا۔ڈی جی ایل ڈی اے طاہر فاروق نے ہدایت کی کہ ایل ڈی اے کی قیمتی پراپرٹی کا تحفظ یقینی بنایا جائے۔واگزار کروائی گئی قیمتی پراپرٹی کو ایل ڈی اے پلاٹ بینک میں شامل کیا جائے۔ واگزار کروائی گئی قیمتی اراضی پر فینسنگ اور ایل ڈی اے ملکیتی بورڈ نصب کیے جائیں۔آپریشن میں ایل ڈی اے انفورسمنٹ سکواڈ، پولیس اور بھاری مشینری نے شرکت کی۔
