وزیر بلدیات ذیشان رفیق اور معاون خصوصی ذیشان ملک نے لاہور شہر کے مختلف علاقوں کا دورہ کیا۔کمشنر لاہور زید بن مقصود اور فوکل پرسن ستھرا پنجاب عاصم محمود بھی ہمراہ تھے۔ایل ڈبلیو ایم سی کے سی ای او بابر صاحب دین کی صوبائی وزیر کو بریفنگ دی۔صوبائی وزیر نے سیف سٹی اتھارٹی میں جا کر کیمروں کی مدد سے مانیٹرنگ کا جائزہ بھی لیا۔وزیر بلدیات ذیشان رفیق نے ایل ڈبلیو ایم سی کو کنٹونمنٹ ایریاز میں بھی آپریشن کی ہدایت کی۔انہوں نے کہا کہ سیف سٹی کیمروں سے 24 گھنٹے عید آپریشن کی نگرانی جاری ہے۔کمشنر لاہور نے ڈمپرز کو ڈھانپ کر ویسٹ ڈمپنگ سائٹس تک منتقل کرنے کی ہدایت کی۔وزیر بلدیات اور معاون خصوصی کا ایل ڈبلیو ایم سی کے کنٹرول روم کا بھی دورہ کیا۔ذیشان رفیق نے کہا کہ شہریوں کی شکایات پر فوری ایکشن یقینی بنایا جائے۔پہلے روز لاہور میں 15 ہزار ٹن ویسٹ جمع ہونے کا تخمینہ ہے۔شہریوں کا تعاون گلی محلوں کو صاف رکھنے کے لئے اہم ہے۔لاہور میں ایل ڈبلیو ایم سی 15 لاکھ ویسٹ بیگ تقسیم کر رہی ہے۔ وزیراعلٰی کے معاون خصوصی ذیشان ملک کا عید گرینڈ آپریشن کے انتظامات پر اظہار اطمینان کیا اور کہا کہ ٹیم ورک کے ساتھ وزیراعلی اور شہریوں کی توقعات پر پورا اتریں گے۔وزیر بلدیات لکشمی چوک اور مال روڈ آگاہی کیمپ گئے، ویسٹ بیگز کا ریکارڈ چیک کیا۔ذیشان رفیق اور ذیشان ملک نے عید ڈیوٹی کرنے والے سٹاف میں عیدی اور گفٹس تقسیم کئے۔وزیر بلدیات نے بابا گرائونڈ ڈمپنگ سائٹ پر جاری آپریشن کا بھی معائنہ کیا۔صوبائی وزراء نے شاہی قلعے کی نواحی آبادی کا دورہ کر کے شہریوں سے فیڈ بیک لیا۔
*وزیر بلدیات ذیشان رفیق نے میڈیا سے گفتگو کرتے اور کہاکہ* 
سخت گرمی میں سڑکوں، گلیوں میں صفائی کرنے والے ہمارے ہیرو ہیں۔لاہور سمیت پورے پنجاب میں صفائی کے مثالی انتظامات کئے کئے ہیں۔ایک لاکھ 27 ہزار کے قریب عملہ صفائی میں مصروف ہے۔گزشتہ برس کا صفائی کا اپنا ہی ریکارڈ توڑیں گے۔وزیراعلٰی مریم نواز کو گرینڈ آپریشن پر مسلسل آگاہ رکھا جا رہا ہے۔ہر شہر، ہر گائوں میں ٹیم موجود ہے، اہداف کا حصول یقینی بنائیں گے۔
