سبزی منڈی میں صفائی ستھرائی انتظامات یقینی بنانے کے لیےسی ای او بابر صاحب دین کی ہدایت پرایل ڈبلیو ایم سی کے 3 لوڈر،7 ڈمپر، 30 ورکرز خصوصی صفائی آپریشن پر تعینات رہے۔ایل ڈبلیو ایم سی کی آپریشن ٹیموں کو ون ٹائم کلیئرنس کا ٹاسک دیا گیا تھا ۔
سی ای او بابر صاحب دین کےسبزی منڈی میں اچانک دورہ پر صفائی کے ابتر حالات کے پیش نظر منڈی انتظامیہ کو ایک بار مکمل کلیئرنس میں مدد فراہم کرنے کا فیصلہ کیا گیا۔سی ای او ایل ڈبلیو ایم سی بابر صاحب دین نے سبزی منڈی ایڈمنسٹریٹر، اسسٹنٹ کمشنر راوی ٹاؤن طارق بشیر، جی ایم آپریشنز مبین احسن کے ہمراہ منڈی میں انتظامات کا جائزہ لیا اس موقع پر ان کا کہنا تھا کہ سبزی منڈی کی صفائی کا سالانہ ٹھیکہ پرائیویٹ کنٹریکٹر کے پاس ہے۔ایل ڈبلیو ایم سی ٹیمیں منڈی کی حدود سے باہر مین روڈز پر صفائی ستھرائی یقینی بناتی ہیں۔وزیر اعلی پنجاب مریم نواز شریف کے ویژن ستھرا پنجاب پر عملدرآمد یقینی بنانے کے لیے خصوصی صفائی آپریشن کیا گیا۔
