وزیر اعلیٰ پنجاب کا وژن، لاہور کی ساکھ”باغوں کا شہر” برقرار رکھنے کا مشن۔۔پی ایچ اے لاہور ہیڈکوارٹر میں وزیر ہاؤسنگ پنجاب بلال یاسین کی زیر صدارت اہم اجلاس ہوا، اعلیٰ سطحی اجلاس میں چیئرمین پی ایچ اے غزالی سلیم بٹ اور ڈی جی ایل ڈی اے طاہر فاروق کی بھی شرکت کی،ڈی جی پی ایچ اے راجہ منصور احمد نے محکمانہ امور بارے تفصیلی بریفنگ دی،مال روڈ پر تمام تاریخی عمارتوں کے ایستھیٹکس کو جدید لائٹنگ کے ذریعے خوبرو بنایا جائے گا،وزیر اعلیٰ مریم نواز کی ہدایت پر ریونیو بڑھانے کیلئے سمارٹ ایڈورٹائزمنٹ پلان کی تیاری بھی شروع کر دی گئی، وزیر ہاؤسنگ اینڈ اربن ڈویلپمنٹ بلال یاسین کا کہنا تھا کہ پارکس، گرین بیلٹس ، سڑکوں کی تزئین ؤ آرائش کا کام مزید تیز کیا جائے، وزیر اعلیٰ پنجاب کی ہدایات ہیں کہ لاہور باغوں کا شہر ہے اس کی ساکھ برقرار رکھیں، صوبائی وزیر ہاؤسنگ نے شہر میں لگے بوسیدہ اور غیر محفوظ سائن بورڈز فوری ہٹائے کی بھی ہدایت کی،شہر کی خوبصورتی کو ماند کیے بغیر اشتہارات کے لیے جگہ کا تعین کریں، نوجوانوں کیلئے شہر کے مختلف پارکس میں صحت بخش سرگرمیاں متعارف کروائی جائیں گی،ڈسٹ فری سٹریٹیجی اپنائیں۔ پلانٹیشن ڈرائیو بڑھائیں۔ زیادہ سے زیادہ درخت لگائیں، سیکرٹری ہاؤسنگ نورالامین مینگل نے کہا کہ مال روڈ پر موجود تمام تاریخی عمارتوں کے ایستھیٹکس جدید لائٹنگ لائٹنگ کے ذریعے خوبرو بنائیں، پی ایچ اے لاہور ریسٹورنٹس اور کیفیز کے لیے موزوں سائٹس کو لیز پر دینے کا پلان مرتب کریں،درختوں کی پروننگ کا ایک باقاعدہ کیلنڈر بنایا جائے۔آٹو میٹک مشینری کا استعمال زیادہ سے زیادہ کریں تاکہ کام میں تیزی آئے،علاوہ ازیں سیکرٹری ہاؤسنگ نےکرکٹ، باسکٹ بال، بیڈمنٹن کورٹس کی دیکھ بھال یقینی بنانے کی بھی ہدایات دیں،وزیر ہاوسنگ بلال یاسین اور سیکرٹری ہاؤسنگ نورالامین مینگل نے پودا لگا کر مون سون شجر کاری مہم کا بھی افتتاح کیا، اس موقع پر انہوں نے کہا کہ وزیر اعلیٰ پنجاب کی خصوصی ہدایات پر لاہور کی خوبصورتی کو بڑھانے کیلئے ہر ممکن اقدامات کیے جائیں گے۔
