ترجمان میئر کراچی و پارلیمانی لیڈر کراچی میٹروپولیٹن کارپوریشن کرم اللہ وقاصی نے کہا ہے کہ بلدیہ ٹاؤن کی اہم شاہراہ کی تعمیر و بحالی، مختلف علاقوں میں سڑکوں کے انفرااسٹرکچر کی بہتری، پارکس کی بحالی اور نئی تفریحی سہولتوں کی فراہمی اس بات کا ثبوت ہے کہ کراچی کے بنیادی شہری مسائل کے حل کے لیے عملی اقدامات کیے جا رہے ہیں۔ترجمان میئر کراچی کرم اللہ وقاصی نے کہا کہ میئر کراچی بیرسٹر مرتضیٰ وہاب کی ہدایت پر بلدیہ عظمیٰ کراچی نے بلدیہ ٹاؤن میں ڈگری کالج سے 19-D روڈ تک اہم شاہراہ کی تعمیر کا کام شروع کردیا گیا ہے۔ اس شاہراہ کی تعمیر مکمل ہونے سے علاقے کے مکینوں کو آمدورفت میں درپیش مشکلات کم ہوں گی اور روزمرہ شہری زندگی میں سہولت پیدا ہوگی۔ پارلیمانی لیڈر کراچی میٹروپولیٹن کارپوریشن کرم اللہ وقاصی نے کہا کہ بلدیہ ٹاؤن کی عوام گزشتہ کئی برس سے خستہ حال سڑکوں اور بنیادی شہری سہولتوں کی مشکلات کا سامنا کرتی رہی ہے، اس لیے اہم شاہراہوں کی تعمیر و بحالی عوامی ضرورت بھی ہے اور وقت کا تقاضا بھی۔ انہوں نے کہا کہ دس سال بعد سڑکوں کی تعمیر و بحالی کا عملی آغاز شہریوں کے لیے ایک مثبت پیش رفت ہے۔ترجمان میئر کراچی کرم اللہ وقاصی نے کہا کہ کراچی کے تمام علاقوں میں بلاامتیاز ترقیاتی سرگرمیوں کا سلسلہ جاری رکھنا پاکستان پیپلز پارٹی کی شہری ترقی اور عوامی خدمت کی پالیسی کا اہم حصہ ہے۔ ان کے مطابق پیپلز پارٹی کی قیادت اور میئر کراچی بیرسٹر مرتضیٰ وہاب کراچی کے بنیادی مسائل کو مرحلہ وار حل کرنے کے لیے دستیاب وسائل کو ترقیاتی منصوبوں میں بروئے کار لا رہے ہیں۔پارلیمانی لیڈر کرم اللہ وقاصی نے کہا کہ پاکستان پیپلز پارٹی اور میئر کراچی بیرسٹر مرتضیٰ وہاب کی جانب سے کراچی کی تعمیر و ترقی، شہری انفرااسٹرکچر، سڑکوں، پانی، سیوریج، پارکس اور دیگر بلدیاتی سہولتوں پر توجہ قابلِ ذکر ہے۔ کراچی جیسے بڑے اور گنجان آباد شہر کی ضروریات وسیع ہیں، اس لیے ترقیاتی منصوبوں میں تسلسل برقرار رکھنا انتہائی ضروری ہے۔انہوں نے کہا کہ بلدیہ عظمیٰ کراچی کی ترجیحات میں صرف سڑکوں کی تعمیر شامل نہیں بلکہ شہریوں کو بہتر اور صحت مند ماحول فراہم کرنا بھی شامل ہے۔ اسی سلسلے میں مسجد حسنات پارک، کوئٹہ ٹاؤن، یوسی-2، سہراب گوٹھ کے علاقے میں ایک نئے پارک کی تعمیر آخری مراحل میں پہنچ چکی ہے، جسے جلد عوام کے لیے کھول دیا جائیگا۔ اس منصوبے سے علاقے کے بچوں، نوجوانوں اور خاندانوں کو مقامی سطح پر تفریحی سہولت میسر آئے گی۔ انہوں نے کہا کہ ترقیاتی منصوبوں میں معیار پر سمجھوتہ نہیں کیا جائے گا۔ ترجمان میئر کراچی کرم اللہ وقاصی نے کہا کہ کراچی کی ترقی ایک مسلسل عمل ہے اور اس کے لیے مستقل منصوبہ بندی، اداروں کے درمیان رابطہ اور سیاسی و انتظامی عزم ضروری ہے۔ انہوں نے کہا کہ پاکستان پیپلز پارٹی کی قیادت کی جانب سے کراچی کے مسائل کے حل اور شہری سہولتوں میں اضافے پر توجہ کا مقصد یہ ہے کہ شہر کے مختلف علاقوں میں رہنے والے شہریوں کو ان کی دہلیز کے قریب بنیادی سہولتیں فراہم کی جائیں۔ترجمان میئر کراچی کرم اللہ وقاصی نے کہا کہ کراچی کے بنیادی مسائل میں پانی اور سیوریج کا مسئلہ بھی خصوصی اہمیت رکھتا ہے اور اس شعبے میں جاری منصوبے مستقبل کی شہری ضروریات کے حوالے سے اہم ہیں۔کرم اللہ وقاصی نے کہا کہ صنعتی علاقوں کے لیے ری سائیکل شدہ پانی کی فراہمی نہ صرف پانی کے وسائل کے بہتر استعمال کی جانب قدم ہے بلکہ اس سے صاف پانی کو صنعتی ضروریات کے بجائے دیگر اہم شہری اور گھریلو استعمال کے لیے محفوظ رکھنے میں بھی مدد مل سکتی ہے۔انہوں نے کہا کہ پاکستان پیپلز پارٹی کراچی کو ایک بہتر، منظم اور سہولتوں سے آراستہ شہر بنانے کے لیے اپنی کوششیں جاری رکھے ہوئے ہے جبکہ میئر کراچی بیرسٹر مرتضیٰ وہاب کی قیادت میں بلدیہ عظمیٰ کراچی شہری مسائل کے حل کے لیے دستیاب وسائل کو بروئے کار لا رہی ہے۔
Read Next
12 گھنٹے ago
بلدیہ عظمیٰ کراچی ترقیاتی کاموں اور عوامی خدمت میں نمایاں کردار ادا کرتی رہے گی۔میئر کراچی بیرسٹر مرتضیٰ وہاب
1 دن ago
کراچی کےبلدیاتی مسائل ترجیحی بنیادوں پر حل کئے جارہے ہیں،کرم اللہ وقاصی
1 دن ago
میئر کراچی بیرسٹر مرتضیٰ وہاب نے ضلع شرقی میں اولمپئن اصلاح الدین روڈ کی تعمیر و بحالی کے منصوبے کا افتتاح کردیا
2 دن ago
میئر کراچی بیرسٹر مرتضیٰ وہاب نے پاکستان چوک کے پارک کی تزئین و آرائش کے بعد منصوبے کا افتتاح کردیا
3 دن ago
بلدیہ عظمیٰ کراچی رمضان المبارک سے قبل برنس روڈ کو جدید اور شاندار فوڈ اسٹریٹ میں تبدیل کرے گی،میئر کراچی مرتضیٰ وہاب
Related Articles
کلفٹن آدم روڈ کی بہتری و بحالی کے منصوبے کا سنگِ بنیاد رکھ دیا،میئر کراچی بیرسٹر مرتضیٰ وہاب
4 دن ago
میئر کراچی نے پی آر سی پمپنگ اسٹیشن کی بحالی کے بعد افتتاح کردیا،30 سال بعد کیماڑی میں بلک واٹر سپلائی میں نمایاں بہتری
5 دن ago




