پشاور(بلدیات ٹائمز)صوبائی حکومت کی عدم دلچسپی کی وجہ سے بلدیاتی ادارے مستقل اکاؤنٹنگ سسٹم کی عدم فراھمی سے سخت مشکلات سے دوچار۔خیبر پختونخوا حکومت بلدیاتی اداروں کے لئے مستقل اکاؤنٹنگ سسٹم کی فراھمی میں ناکام۔گذشتہ عرصہ زائد از چار سال سے پرانے اکاؤنٹ پرسنل لیجر اکاؤنٹ میں وقتاً فوقتاً توسیعی کی جاتی رہی۔پرسنل لیجر اکاونٹ کی توسیعی میعاد 30 جون 2025 کو اختتام پذیر ھو گئی ھے۔PLA میں وقتاً فوقتاً توسیع کی جاتی رھی مگر TMAs کے لئے مستقل اکاؤنٹنگ سسٹم کے لئے کوئی پیش رفت سامنے نہیں آئی ۔جس سے بلدیاتی اداروں کے ملازمین اور پنشنرز بری طرح متاثر ھو رہے ھیں کیونکہ وقتاً فوقتاً توسیع کے لئے اکاونٹنٹ جنرل افس اور فنانس ڈیپارٹمنٹ کی منتیں کی جاتی ہیں اور اے جی افس والے اپنی من مانی کر کے بلدیاتی اداروں اور بلدیاتی ملازمین کو پرسنل لیجر اکاؤنٹ کی توسیع سے سخت ذھنی کوفت اور پریشانی سے دوچار کرتے ہیں۔ لوکل گورنمنٹ ایمپلائز فیڈریشن خیبرپختونخوا کے سرپرست اعلیٰ شوکت کیانی, چئرمین محبوب اللہ، صدر حاجی انور کمال خان مروت اور جنرل سیکریٹری سلیمان خان ھوتی نے خیبرپختونخوا حکومت، وزیر اعلیٰ خیبرپختونخوا ، چیف سیکرٹری خیبرپختونخوا ، وزیر بلدیات و دیہی ترقی خیبرپختونخوا، سیکریٹری بلدیات و دیہی ترقی خیبرپختونخوا ، سیکریٹری مالیات خیبرپختونخوا ، آڈیٹر جنرل آف پاکستان ، اکاونٹنٹ جنرل خیبرپختونخوا اور سیکریٹری لوکل کونسل بورڈ خیبرپختونخوا سے پرزور مطالبہ کیا ھے کہ بلاتاخیر TMAs کے لئے نیا اکاونٹنگ سسٹم منظور کیا جائے اور بلدیاتی اداروں کے ملازمین اور پنشنرز کی تنخواہوں اور پنشن کی بروقت ادائیگی بذریعہ اکاونٹ فور یقینی بنائی جائے کیونکہ پہلے ہی بلدیاتی ملازمین اور پنشنرز گذشتہ چار پانچ سالوں سے پرسنل لیجر اکاؤنٹ کی توسیعی مراحل کی مشکلات اور سختیوں سے گذرتے آ رہے ہیں۔جس کی وجہ سے بلدیاتی ملازمین اور پنشنرز کے بچے بھوک و افلاس کی وجہ سے فاکوں سے دوچار ہیں جب کہ بلدیاتی ادارے بھی عوامی سہولیات کی فراھمی میں مشکلات سے دوچار ھیں۔
