نشتر ٹاؤن ،رائیونڈ روڈ، شاہدرہ ٹاؤن سمیت شہر بھر میں چھٹی کے روز بھی ایل ڈبلیو ایم سی کا گرینڈ صفائی آپریشن جاری

شہر لاہور میں بہترین صفائی انتظامات یقینی بنانے کیلئے لاہور ویسٹ مینجمنٹ کمپنی کا صفائی آپریشن چھٹی کے روز بھی بلا تعطل جاری ہے۔ نشتر ٹاؤن، رائیونڈ روڈ، شاہدرہ ٹائون میں صفائی انتظامات یقینی بنانے کے لیے ایل ڈبلیو ایم سی کی آپریشن ٹیمیں متحرک رہیں۔سی ای او ایل ڈبلیو ایم سی بابر صاحب دین کی ہدایت پر متوقع بارش کے پیش نظر فیروزپور روڈ، پیکو روڈ، ٹاؤن شپ مارکیٹ کی سروس لینز پر مینوئل سویپنگ کے لیے صفائی ٹیمیں تعینات ہیں۔ چونگی امر سدھو، شنگھائی پل، کماہاں، یوحنا آباد،مادر ملت روڈ، گرین ٹاؤن، باگڑیاں میں بھی بہترین صفائی انتظامات پر عملہ مامور ہے۔ شاہدرہ،ٹھوکرنیاز بیگ روڈ،رائیونڈ روڈ میں خصوصی صفائی ٹیمیں تعینات کی گئی ہیں. شہر کی ہر گلی، مارکیٹس اور بازاروں میں مینوئل سویپنگ یقینی بنائی جا رہی ہے جبکہ سڑکوں پر موجود یو ٹرنزاور انڈر پاسز پر ویسٹ کلئیرنس یقینی بنائی جا رہی ہے۔

شہریوں کو بہترین صفائی سہولیات کی فراہمی کے لیے کمرشل مارکیٹس کی صفائی صبح 8 بجے سے قبل مکمل کی جا رہی ہے ۔سی ای او بابر صاحب دین کا کہنا ہے کہ ایل ڈبلیو ایم سی کے افسران اور ورکرز فیلڈ میں موجود ہیں۔ لاہور کی صفائی میں کوتاہی کسی صورت قابل قبول نہیں۔افسران خود فیلڈ میں موجود رہ کر ورکرز کی 100 فیصد حاضری کو یقینی بنائیں۔ شہریوں سے بھی گزارش ہے کہ صفائی سے متعلق شکایات کے ازالے کے لیے ایل ڈبلیو ایم سی کی ہیلپ لائن 1139 پر رابطہ کریں یا سوشل میڈیا کا استعمال کریں۔