ڈی سی لاہور سید موسیٰ رضا کی زیر صدارت لاہور ڈویلپمنٹ پروگرام کے بارے اہم اجلاس ہوا. لاہور ڈویلپمنٹ پروگرام کی ہفتہ وار کارکردگی اور پیشرفت کا جائزہ لیا گیا.
اجلاس میں چیف آفیسر میٹروپولیٹن کارپوریشن شاہد عباس کاٹھیا، ایڈیشنل ڈپٹی کمشنر فنانس اینڈ پلاننگ مدثر نواز نے شرکت کی. ایم ڈی واسا ، زونل آفیسرز ایم ایس ایل ، ڈائریکٹرز واسا ، نیسپاک اور ای سی ایس پی کے سینئر اہلکاروں نے بھی شرکت کی. تمام اسسٹنٹ کمشنرز نے بھی اجلاس میں شرکت کی. نیسپاک نے ترقیاتی کاموں کی اب تک کی پیشرفت کے حوالے سے تفصیلی بریفنگ دی. بریفنگ میں بتایا کہ واسا تیس فیصد ترقیاتی کاموں کی تکمیل کے ساتھ انتہائی چیلنجینگ منصوبے کی کامیابی کے مراحل تیزی سے طے کر رہا ہے. لاہور ڈویلپمنٹ پروگرام کے تحت جاری ترقیاتی منصوبوں میں متعدد گلیاں تکمیل کے مراحل کے قریب، ٹف ٹائلز لگنے کا کام جاری ہے. ایم سی ایل دس فیصد سے زائد کاموں کی تکمیل کے ساتھ منصوبے کی کامیابی کیلئے ترقیاتی کام مقرر وقت میں مکمل کرنے کیلئے پر عزم ہے. ڈی سی لاہور نے کہا کہ ترقیاتی منصوبوں میں رفتار اور معیار کو مزید بہتر کیا جائے آور ڈویلپمنٹ پروگرام کے ڈیش بورڈز کے ذریعے تمام تر سکیمز کا مسلسل جائزہ لیا جا رہا ہے، ڈی سی لاہور نے MIS/GIS میپنگ کے ساتھ ڈیش بورڈز کو مسلسل اپڈیٹ کرنے کی ہدایت کی. ترقیاتی کاموں کی بروقت تکمیل اور نیسپاک کی رپورٹ کے مطابق ٹھیکیداروں کو واجبات کی فورا اور مسلسل ادائیگی یقینی بنایا گیا. ڈی سی لاہور سید موسیٰ رضا نے کہا کہ واٹر اینڈ سیوریج سسٹم کی بحالی، بہتری اور تعمیر سے عوام کے دیرینہ مسائل حل ہوں گے ، ڈی سی لاہور سید موسیٰ رضا نے کہا کہ تمام اسٹیک ہولڈرز وزیر اعلی مریم نواز شریف کے ویژن کے مطابق لاہور ڈویلپمنٹ پروگرام کی تکمیل کو یقینی بنائیں.
