ستھرا پنجاب ایجنسی لاہور کی جانب سے وزیرِ اعلیٰ پنجاب مریم نواز شریف کے ویژن ستھرا پنجاب پر عملدرآمد یقینی بنانے کے لیے شہر بھر میں مثالی صفائی انتظامات کا سلسلہ جاری ہے۔اس مقصد کے حصول کے لیے سی ای او ایل ڈبلیو ایم سی افسران کے ہمراہ خود فیلڈ میں متحرک ہیں۔سی ای او ایل ڈبلیو ایم سی شہریار عارف خان نےصفائی صورتحال کے جائزے کے لیے علامہ اقبال ٹاؤن اور نشتر ٹاؤن کے مختلف علاقوں کا دورہ کیا۔ اس موقع پر ڈپٹی سی ای او آپریشنز نعمان محمود اور متعلقہ افسران بھی سی ای او کے ہمراہ تھے۔سی ای او نے علامہ اقبال ٹاؤن میں نظریہ پاکستان روڈ، پائن ایوینیو اور ایکسپو سینٹر پر جاری صفائی انتظامات کو چیک کیا۔علی رضا آباد،رائیونڈ روڈ اور نرسری چوک پر بھی جاری صفائی آپریشن کا جائزہ لیا۔نشتر ٹاؤن میں چند رائے روڈ، کچا جیل روڈ اور چونگی امر سدھوکا بھی دورہ کیا۔فیلڈ میں صفائی انتظامات، اوپن پلاٹس کی کلیرنس اور ورکرز کی کارگردگی کو بھی چیک کیا۔ مزید برآں نشتر ٹاؤن میں صفائی کے ناقص انتظامات کی بنیاد پر یو سی 229 کا سینٹری سپروائزر نوکری سے برخاست کر دیا گیا۔ اس حوالے سے سی ای او ایل ڈبلیو ایم سی شہریار عارف خان کا کہنا ہے کہ کام میں غفلت برتنے والے عملے کے خلاف زیرو ٹالرنس پالیسی کے تحت فوری کاروائی کی جائے گی۔ شہریوں کو صفائی کی بہترین سہولیات فراہمی کے لیے کام میں کوتاہی ہرگز برداشت نہیں کی جائے گی۔ شہر میں صفائی کےانتظامات کو مزید بہتر بنانے کیلئے تمام تر وسائل بروئے کار لائے جا رہے ہیں۔
سی ای او ایل ڈبلیو ایم سی شہریار عارف خان کاعلامہ اقبال،نشتر ٹاؤن کا دورہ، ناقص کارکردگی پر یو سی 229 کا سینٹری سپروائزر نوکری سے برخاست
