ڈپٹی کمشنر/چیئرمین ڈیزاسٹر مینجمنٹ اتھارٹی (DDMA) گلگت کی جانب سے ضلع گلگت کے تمام عوام الناس کو مطلع کیا جاتا ہے کہ محکمہ موسمیات کی پیشگوئی کے مطابق 4 اگست سے 07 اگست 2025 تک گلگت بلتستان کے مختلف علاقوں میں تیز ہوائیں اور گرج چمک کے ساتھ وقفے وقفے سے مزید بارشوں کی پیشگوئی کی گئی ہے. اور اس دوران چند مقامات پر موسلادھار بارش بھی متوقع ہے جس کے سبب پہاڑی علاقوں میں لینڈ سلائیڈنگ تودے گرنے کا خدشہ ہے۔لہٰذا عوام الناس سے گزارش ہے کہ وہ اس ممکنہ خراب موسم کے دوران غیر ضروری سفر سے گریز کریں، بل بورڈز، بجلی کی تاروں اور پرانے درختوں کے نیچے کھڑے ہونے سے پرہیز کریں۔اس کے علاوہ خطرناک مقامات پر سکونت پذیر لوگوں بالخصوص گلیشیئرز کے اطراف میں رہائش پذیر افراد، کمزور انفراسٹرکچر والے گھروں میں رہنے والے اور دیگر حساس مقامات پر مقیم افراد کو احتیاطی تدابیر اختیار کرنے کی ہدایت کی جاتی ہے۔ سیاح حضرات بھی دورانِ سفر محتاط رہیں۔*کسی بھی ہنگامی صورتِ حال میں فوری رابطے کے لیے درج ذیل نمبرز پر کال کریں:*
– الفا کنٹرول روم، اے سی آفس گلگت: *-920724- 05811 *
– پولیس کنٹرول روم:ر-930346 – 05811 *
– ڈی ڈی ایم اے گلگت: *-930346- 05811*
– ریسکیو 1122: *1122 / -920200 -05811*
ڈپٹی کمشنر گلگت نے متعلقہ اداروں کو ہدایات جاری کی ہیں:- *ایکسین B&R*: مشینری و سٹاف کو الرٹ رکھیں۔- *ریسکیو 1122*: سٹاف و مشینری ہمہ وقت تیار رکھیں۔- *این ایچ اے*: کسی بھی ہنگامی صورتحال سے نمٹنے کے لیے تیار رہیں۔- *سی ایس او گلگت*: گندم کا کوٹہ بروقت بلائی علاقوں تک پہنچایا جائے۔- *اسسٹنٹ کمشنرز (گلگت، دنیور، جگلوٹ)*: فیلڈ سٹاف الرٹ رکھیں۔- *ڈی ایچ او گلگت*: ڈاکٹرز، ایمبولینس و طبی عملہ تیار رکھیں۔- *اسٹیشن ڈائریکٹر ریڈیو پاکستان گلگت*: اس الرٹ کو بار بار نشر کریں تاکہ عوام کو بروقت آگاہی مل سکے۔
