ڈی جی ایل ڈی اے طاہر فاروق کی ہدایات پر ایل ڈی اے ٹاؤن پلاننگ ونگ،میٹروپولیٹن پلاننگ ونگ غیرقانونی کمرشل عمارتوں، کمرشل فیس نادہندگان املاک،غیرقانونی تعمیرات کے خلاف متحرک ہے۔ ایل ڈی اے ٹیموں نے مختلف سکیموں اور ایل ڈی اے کنٹرولڈ ایریا میں آپریشن کرکے148املاک سربمہرکر دیں۔ایل ڈی اے ٹیموں نے جوہر ٹاؤن، قائداعظم ٹاؤن، گلبرگ،وحدت روڈ، سبزہ زارمیں آپریشن کیا۔ایل ڈی اے ٹیموں نے غیرقانونی کمرشل استعمال، کمرشل فیس کی عدم ادائیگی پرجوہر ٹاؤن، قائداعظم ٹاؤن میں 90املاک،گلشن راوی، سمن آباد، شادمان میں 20املاک سربمہر کر دیں۔ایل ڈی اے ٹیموں نے گلبرگ میں کمرشل فیس نادہندگان املاک کے خلاف آپریشن کر کے 12املاک سربمہر کر دیں۔ ٹیموں نے ریکوری آپریشن کے دوران وحدت روڈ، سبزہ زار میں 26املاک سیل کر دیں۔ ایل ڈی اے ٹیموں نے پاک عر ب ہاؤسنگ میں پبلک یوٹیلیٹی سائٹ پرقائم غیرقانونی املاک سربمہرکردیں۔ سیل کی گئی املاک میں ننجی سکول، کلینک، فوڈ پوائنٹ، فارمیسی، بیکری،ورکشاپ، دکانیں، دفاتر ودیگر شامل ہیں۔ آپریشن چیف ٹاؤن پلانرون اسد الزمان اور چیف ٹاؤن پلانر ٹو اظہر علی،ڈائریکٹر میٹروپولیٹن پلاننگ زون فائیو کی زیر نگرانی کیا گیا۔۔ڈی جی ایل ڈی اے کی ہدایت پرغیرقانونی کمرشل عمارتوں، کمرشل فیس نادہندگان املاک کے خلاف بلاامتیاز کارروائیاں جاری ہیں۔
