نیشنل انسٹی ٹیوٹ آف پبلک ایڈمنسٹریشن کے افسران نےایل ڈی اے ہیڈکوارٹرزجوہر ٹاؤن کادورہ کیا۔ ڈی جی ایل ڈی اے طاہرفاروق نے”44ویں مِڈکیریئرمینجمنٹ کورس” کے افسران کو خوش آمدیدکہا۔ ڈی جی ایل ڈی اے طاہرفاروق نے وفد کو بریفنگ دیتے ہوئے بتایا کہ ایل ڈی اے کے ہرشعبہ میں ڈیجیٹل ریفارمز متعارف کرا رہے ہیں۔ سروس ڈیلیوری میں بہتری لانے کے لیے کارپوریٹ سیکٹر کی طرز پر کام کر رہے ہیں۔پراپرٹی ریکارڈ کی سفٹنگ اور آن لائن دستیابی سے پراپرٹی ٹرانسفر سسٹم میں بہتری آرہی ہے۔غیر قانونی تعمیرات، غیر قانونی کمرشل سرگرمیوں کی روک تھام کے لیے ڈیجیٹل مانیٹرنگ کر رہے ہیں۔ ایل ڈی اے پہلی ڈویلپمنٹ اتھارٹی ہے جو رہائشی اور کمرشل بلڈنگ پلان آن لائن منظور کر رہی ہے۔ڈیجیٹل نوٹسز کا اجراء، غیر قانونی کمرشل سرگرمیوں کی ڈیجیٹل میپنگ سمیت متعدد اقدامات کیے جا رہے ہیں۔ ایڈیشنل ڈی جی(یو پی) مدثراحمدشاہ نے وفد کو ایل ڈی اے کے سیکشنز کی ورکنگ بارے بریفنگ دی۔وفد کے شرکاء کو ماسٹر پلاننگ،اربن پلاننگ،ٹاون پلاننگ سمیت تمام سیکشنز بارے بریفنگ دی گئی۔وزیر اعلیٰ پنجاب مریم نوازشریف کی ہدایت پر لاہور کو "لیوایبل”شہر بنانے کے لیے سسٹین ایبل ماڈل کے تحت اقدامات کر رہے ہیں۔ایل ڈی اے سکیموں کے ریکارڈ کی سفٹنگ پر کام جاری ہے، ایل ڈی اے کو پیپر لیس ادارہ بنا رہے ہیں۔وفد کو ایل ڈی اے کی جانب سے صوبائی دارالحکومت میں مکمل کیے گئے ترقیاتی منصوبوں بارے بھی بریفنگ دی گئی۔وفدکو ٹاؤن پلاننگ اور ماسٹر پلان کے متعلق بریفنگ دی گئی۔وفد میں پولیس، پاکستان ایڈمنسٹریٹو سروس، اِن لینڈ ریونیو، نیب و دیگر اداروں کے افسران شامل تھے۔اجلاس میں ایڈیشنل ڈی جی یوپی، ایڈیشنل ڈی جی کچی آبادیز، ایڈیشنل ڈی جی ہیڈکوارٹر، چیف انجینئر ایل ڈی اے،چیف میٹرو پولیٹن پلاننگ، چیف آئی ٹی افیسر، ڈائریکٹر ڈی اینڈ آئی اور ڈائریکٹر فنانس نے شرکت کی۔بعدازاں افسران کے وفد نے ایل ڈی اے سٹیزن فیسلیٹیشن سنٹر اور ڈیجیٹل مانیٹرنگ یونٹ کا دورہ کیا۔شرکاء کو سٹیزن فیسلیٹیشن سنٹر کی ورکنگ اور شہریوں کی سہولت کے لیے کیے گئے اقدامات بارے بریفنگ دی گئی۔دورے کے اختتام پر وفد کے شرکاء کو سووینیئر پیش کیا گیا۔
*نیشنل انسٹی ٹیوٹ آف پبلک ایڈمنسٹریشن،”44ویں مِڈکیریئرمینجمنٹ کورس” کے افسران کا ایل ڈی اے ہیڈکوارٹرزکادورہ*
