*پنجاب میں یادگار معرکہ حق، پارک اورمیوزیم بنے گا،وزیراعلٰی مریم نوازشریف نے با ضابطہ نقاب کشائی کر دی*

وزیراعلٰی پنجاب مریم نوازشریف کا منفرد اور اختراعی اقدام -پنجاب میں یادگار معرکہ حق، پارک اورمیوزیم بنے گا-ایکسپو سنٹر میں معرکہ حق میوزیم،یادگار اور پارک پراجیکٹ کے بارے میں خصوصی تقریب منعقد ہوئی ۔وزیراعلٰی مریم نوازشریف نے معرکہ حق میوزیم، یادگار او رپارک پراجیکٹ کی با ضابطہ نقاب کشائی کی -ویٹرن میوزیشن کے آرکسٹرا نے پر اثر دھنوں پر ملی نغمے پیش کئے- ”اے میرے پاک وطن ”وزیر اعلیٰ مریم نواز شریف نے ویٹرن میوزیشن کے درمیان بیٹھ کر ملی نغمے سنے اور تالیاں بجا کرداد دی-تقریب میں یوم آزادی اور معرکہ حق کے حو الے سے ملی نغمے پیش کئے گئے –

”شالا وسدا ر وے پنجاب پاکستان ”ساحر علی بگا کی آواز میں پراثر نغمے نے سحر طاری کر دیا-تقریب میں معرکہ حق کے بارے میں خصوصی نغماتی فلم پیش کی گئی-یادگار معرکہ حق، میوزیم اور پارک کے بارے معلوماتی دستاویزی فلم پیش کی گئی-وزیر اعلیٰ مریم نواز شریف نے وزراء اور دیگر شرکا سے نشستوں پر جاکر ملاقات کی-تقریب میں دوست ممالک کے سفارتکار،صوبائی وزرااور عسکری وسول حکام نے شرکت کی-وزیراعلیٰ پنجاب مریم نوازشریف نے یاد گار معرکہ حق، میوزیم اور پارک پراجیکٹ کی نقاب کشائی کی تقریب سے خطاب کرتے ہوئے کہا میں وعدہ کرتی ہوں کہ عوام کی زندگی میں بہتری لانے کے لئے کوئی کسر نہیں چھوڑوں گی-عہد کرتے ہیں کہ پاکستان کو غربت سے آزاد کرانے کے لئے بھرپور کردار ادا کریں گے-اب غربت اور جہالت کے خلاف جنگ لڑیں گے-وزیراعلی مریم نوازشریف نے کہاکہ ملک کو بہتر بنانے کی جنگ ہوگی – فتنہ وفساد کے خلاف جنگ ہوگی – جنگ جیتنے کے لئے جنگی سازوسامان نہیں بلکہ اللہ پر غیر متزلزل ایمان ضروری ہے – پاک فضائیہ نے جے ایف تھنڈر،رافیل مار گرائے تو کسی کو یقین نہیں آرہا تھا -سیاسی طورپر تقسیم ہو کر لڑتے تو کبھی جنگ نہ جیت پاتے – معرکہ حق سے دنیا جان گئی کہ بنیان مرصوص کا مطلب کیا ہوتاہے -وزیراعلی مریم نوازشریف نے کہاکہ لیپ ٹاپ سکیم کے لئے کالجز میں جا کرسمجھ آیا ”یہ وطن تمہارا ہے، تم ہو پاسباں اس کے“-پوری قوم نے متحد اور یک جان ہو کر سیسہ پلائی دیوار کھڑی کردی -وزیراعلی مریم نوازشریف نے کہاکہ دشمن کے رافیل طیارے گرانے والوں کوقوم سلام پیش کرتی ہے -اپنے سپہ سالار بھائی فیلڈ مارشل عاصم منیر کو خراج تحسین پیش کرتے ہیں جنہو ں نے وار ٹائم لیڈر شپ کااعلی مظاہرہ کر کے پاکستان کو فتح سے ہمکنار کیا – یوم آزادی کا یہ دن پاکستانی قوم کے نام ہے -پوری قوم سیسہ پلائی دیوارکی طرح افواج پاکستان کے شانہ بشانہ کھڑی ہے -یوم آزادی کا دن ان ماؤں کے نام جو ماتھا چوم پر بیٹوں کو میدان جنگ میں بھیجتی ہیں -جوان بیٹوں کو رخصت کرنے والی ماؤں کو قوم، نوازشریف اور میں سر جھکا کر سلام عقیدت پیش کرتے ہیں -اپنے سہاگ وطن کے لئے پیش کرنے والی بیٹیوں کو سلام کرتے ہیں -دفاع وطن کے لئے یتیمی کا تاج سر پر سجا نے والے بچوں کو سلام پیش کرتے ہیں – یوم آزادی کا دن وطن کے ان بیٹوں کے نام جنہوں نے خون دے کر وطن کی حفاظت کی -یوم آزادی کو سرحدوں پر دلیری سے لڑنے والے غازیو ں کے نام کرتے ہیں -ہر سال یوم آزادی مناتے ہیں مگر معرکہ حق کی وجہ سے اس سال مزہ ہی اور ہے -وزیراعلی مریم نوازشریف نے کہاکہ آج کا دن دشمن کے حملوں کا منہ توڑ جواب دینے والے جانبازوں کے نا م ہے -آج کا دن افواج پاکستان کی لیڈر شپ،افسروں اور جوانوں کے نام ہے -ملک کو ایٹمی طاقت بنا کر دفاع کو نا قابل تسخیر بنانے والے نوازشریف کے نام ہے -وزیراعلی مریم نوازشریف نے کہاکہ مریم اورنگز یب، بینک آف پنجاب، آئی ڈی اے پی، پی ایچ اے اور میڈیا ٹیم کو شاباش دیتی ہوں اورسب سے درخواست کرتی ہوں کہ آج وطن کو عظیم سے عظیم تر بنانے کا عزم کر کے اٹھیں – مزدور، کسانوں،ٹیچر، طلبہ اور سیاستدانوں کو کہنا چاہتی ہو ں کہ سیاسی مخالفت ایک طرف وطن کو مقدم رکھیں – وزیراعلی مریم نوازشریف نے کہاکہ ملک و قوم کی خدمت کا اعزاز ہرکسی کے نصیب میں نہیں ہوتا – بڑا عہدہ مل جائے نیت اچھی نہ ہو تو رسوائی ہوتی ہے -2018سے شروع ہونے والے تنزلی کا سفر ختم ہواہے -وزیراعلی مریم نوازشریف نے کہا کہ یہ مٹی بہت زرخیز ہے، تھوڑا سا پانی اور تھوڑی سی محنت مانگتی ہے -پاکستان نے اپنے سے 4گنا بڑی طاقت کو جذبے کے ساتھ شکست دی -پنجاب بھر میں جوش وجذبے کے ساتھ یوم آزادی منانے اور عمارتوں کو سجانے پر تمام انتظامیہ کو شاباش دیتی ہوں – دعا ہے کہ پاکستان تا ابد آباد رہے، ہم اپنی زندگی میں رفعتوں کو چھوتا دیکھیں –