ضلعی انتظامیہ لاہور ڈپٹی کمشنر لاہور سید موسیٰ رضا کی سربراہی میں شہر کو تجاوزات سے پاک کرنے کے لیے متحرک ہے۔ میٹروپولیٹن آفیسر ریگولیشن کاشف جلیل کی نگرانی میں شہر بھر میں انسداد تجاوزات کے آپریشنز کامیابی سے جاری ہیں۔ انتظامیہ نے مختلف علاقوں سے 625 تجاوزات کا سامان ضبط کیا اور 1293 غیر قانونی بینرز اور فلیکسز ہٹائے ہیں۔ ڈپٹی کمشنر کی ہدایت پر یہ آپریشنز بلا تفریق اور روزانہ کی بنیاد پر جاری ہیں تاکہ عوامی مقامات کی بحالی اور ٹریفک کی روانی کو یقینی بنایا جا سکے۔ سید موسیٰ رضا نے واضح کیا کہ تجاوزات کے خاتمے تک یہ کارروائیاں بلا تعطل جاری رہیں گی۔ ان کوششوں سے نہ صرف شہر کی تاریخی خوبصورتی مزید نمایاں ہو رہی ہے بلکہ شہریوں کے لیے آمدورفت بھی آسان ہوئی ہے۔ قانون کی عملداری کو سختی سے نافذ کیا جا رہا ہے، جس سے لاہور کے شہریوں کو بہتر ماحول میسر آ رہا ہے۔ انتظامیہ کا یہ عزم ہے کہ شہر کی خوبصورتی اور سہولیات کو ہر صورت بحال رکھا جائے۔
