شیخوپورہ، اوکاڑہ، گجرات، جہلم، خانیوال، ننکانہ،رحیم یار خان، مری،جھنگ،پاکپتن،خوشاب، مظفر گڑھ میں پی ایچ اے کے قیام کے حوالے سے اہم اجلاس

وزیر اعلیٰ پنجاب مریم نواز شریف کی خصوصی ہدایات، پنجاب بنے گا”باغوں کا صوبہ کے ویژن کے تحت پنجاب ہارٹیکلچر اتھارٹی ایکٹ 2025 کے تحت پہلے مرحلے میں12 اضلاع میں ہارٹیکلچر ایجنسیاں قائم کی جائیں گی۔قوانین کے مطابق تمام موجودہ ضلعی اتھارٹیاں ایجنسیوں میں تبدیل کر دی جائیں گی۔منتخب 12 اضلاع میں ڈسٹرکٹ ٹرانزیشن ٹیمیں قائم کر دی گئیں۔ترجمان محکمہ ہاؤسنگ کے مطابق 15

اکتوبر سے قبل میونسپل کارپوریشن کا متعلقہ عملہ اوروسائل پی ایچ اے کو منتقل کیے جائیں گے۔سیکرٹری ہاؤسنگ نورالامین مینگل کی زیر صدارت اہم اجلاس منعقد ہوا۔اجلاس میں فیصلہ کیا گیا کہ نئی تشکیل کردہ ہارٹیکلچر ایجنسیوں کے لیے افسران کا انتخاب سرچ کمیٹی کرے گی۔ایم ڈی، ڈپٹی ایم ڈی، اور دیگر افسران بھی تعینات کیے جائیں گے۔دوسرے مرحلے میں مزید اضلاع میں ہارٹیکلچر ایجنسیاں قائم کی جائیں گی۔ترجمان محکمہ ہاؤسنگ کے مطابق پی ایچ اے کا دائرہ کار صوبائی سطح پر بڑھانے سے شہروں میں سبزہ اور ہریالی بڑھے گا۔نئے باغات کے قیام کے لیے جگہ مختص،موجودہ باغات کی حالت بہتر کی جائے گی۔صوبوں میں گرین ایریاز بڑھانے سے ماحولیاتی آلودگی اور موسمیاتی تبدیلیوں کے اثرات کم کرنے میں مدد ملے گی۔منتخب کردہ اضلاع میں شیخوپورہ، اوکاڑہ، گجرات، جہلم، خانیوال، ننکانہ،رحیم یار خان، مری،جھنگ،پاکپتن،خوشاب،اور مظفر گڑھ شامل ہیں۔