ایل ڈی اے نےغیرقانونی ہاؤسنگ سکیموں کے خلاف گرینڈ آپریشن شروع کردیا ہے ۔ڈی جی ایل ڈی اے طاہر فاروق کی ہدایات پرڈائریکٹوریٹ آف میٹروپولیٹن پلاننگ تھری کی جانب سے بڑی کارروائی کی گئی۔ایل ڈی اے ٹیموں نے بی آر بی کینال روڈ،،مناواں پولیس اسٹیشن، بھینی روڈ کے اطراف میں 13ہاؤسنگ سکیموں و لینڈ سب ڈویژن کے خلاف کارروائی کی۔ٹیموں نے نیو غوث گارڈن، غوث گارڈن فیز فائیو، گرین لینڈ آرچرڈ، موسیٰ گارڈن، زم زم سٹی، الباری سٹی،ارحم ریذیڈینشیا میں آپریشن کیا۔الغنی گارڈن فیز سیون، گرین لینڈ ویلی، اریبین سٹی، الفلا ح سٹی، کے ایس ہومز، علی ولاز، امبر سٹی اور الوہاب گارڈن فیز تھری کے خلاف آپریشن کیا گیا۔ایل ڈی اے ٹیموں نے ان سکیموں کا سٹرکچر،باؤنڈری والز، سیوریج سسٹم اور دیگر انفراسٹرکچر مسمار کر دیا، دفاتر سیل کر دیئے گئے۔
آپریشن سے پہلے ان سکیموں کو متعدد نوٹسز جاری کیے گئے تھے۔ آپریشن چیف میٹرو پولیٹن پلانر کی نگرانی میں کیا گیا۔آپریشن میں ایل ڈی اے انفورسمنٹ سکواڈ اور پولیس نے حصہ لیا۔ڈی جی ایل ڈی اے طاہر فاروق کی ہدایات پرشہربھرمیں غیرقانونی رہائشی سکیموں کے خلاف کارروائیاں کی جا رہی ہیں۔
