وزیر اعلٰی خیبر پختونخوا علی امین خان گنڈاپور سے تیراہ ضلع خیبر کے وفد نے ملاقات کی۔ ایم این اے اقبال آفریدی،چیف سیکرٹری، ایڈیشنل چیف سیکرٹری داخلہ، کمشنر پشاور اور دیگر متعلقہ حکام بھی ملاقات میں موجود تھے۔ تیراہ میں پیش آنے والے ناخوشگوار واقعے کے تناظر میں امن و امان کی صورتحال کا جائزہ لیا گیا۔ملاقات میں اس ناخوشگوار واقعے پر افسوس کا اظہار۔ واقعے میں شہید ہونے والوں کے درجات کی بلندی کے لئے فاتحہ خوانی کی گئی۔
وزیراعلی کا واقعے کے شہداء کے لواحقین کے لئے ایک ایک کروڑ روپے معاوضوں کا اعلان کیا گیا۔علی امین گنڈاپور نے کہا کہ واقعے میں عام شہریوں کی شہادت افسوسناک اور قابل مذمت ہے، دہشتگردوں کے خلاف کاروائیوں کے نتیجے میں عام شہریوں کی شہادت ناقابل قبول ہے۔ ملاقات میں آئندہ ایسے ناخوشگوار واقعات کی روک تھام کے لئے لائحہ عمل پر تفصیلی غوروخوص ہوا۔ اس سلسلے میں علاقے کے منتخب عوامی نمائندوں، تمام سیاسی جماعتوں کے قائدین اور علاقہ مشران پر مشتمل جرگے کی اعلٰی عسکری حکام کے ساتھ ملاقات کرانے کا فیصلہ بھی کیا گیا – عسکری حکام کے ساتھ جرگے کی ملاقات میں علاقے میں امن و امان کے لئے آئندہ کا لائحہ عمل طے کیا جائے گا- باجوڑ کے طرز پر تیراہ میں بھی امن و امان کے قیام کے لئے حکمت عملی اپنائی جائے گی، ملاقات میں اتفاق ہو- ملاقات میں علاقے میں امن کے لئے علاقہ عوام کا اعتماد حاصل کرنے کی ضرورت پر زور دیا گیا۔
