جانوروں کی صحت، کسانوں کی خوشحالی اور دیہی معیشت کی مضبوطی کی جانب خیبرپختونخوا حکومت کا اہم قدم۔وزیراعلیٰ خیبرپختونخوا محمد سہیل آفریدی نے 2.6 ارب روپے کی لاگت سے ’’احساس بے زبان صحت گاڑی‘‘ منصوبے کا افتتاح کردیا۔منصوبے کے تحت 145 موبائل ویٹرنری کلینکس، 27 موبائل لیبارٹری ٹیسٹنگ یونٹس اور 202 ویٹرنری ڈاکٹرز و اسسٹنٹس فراہم کیے گئے ہیں۔ موبائل کلینکس تحصیل کی سطح پر جانوروں کی ویکسینیشن، تشخیص، علاج اور ہنگامی ویٹرنری خدمات فراہم کریں گے، جبکہ موبائل ملک کوالٹی ٹیسٹنگ لیبارٹریز دودھ کے معیار اور ملاوٹ کی نگرانی میں اہم کردار ادا کریں گی۔وزیراعلیٰ سہیل آفریدی نے افتتاحی تقریب سے خطاب کرتے ہوئے کہا کہ احساس بے زبان صحت گاڑی‘‘ صرف موبائل ویٹرنری سروس نہیں بلکہ ایک سوچ، احساس اور عہد ہے۔ کوئی بھی کسان جغرافیائی فاصلے یا علاقے کی وجہ سے معیاری ویٹرنری سہولیات سے محروم نہیں رہے گا۔ دور دراز علاقوں کے مویشی پالنے والے کسانوں کو جدید اور بروقت سہولیات ان کی دہلیز پر فراہم کی جائیں گی۔حکومت کا مقصد صرف جانوروں کا علاج نہیں بلکہ بیماریوں کی روک تھام، مویشیوں کی پیداواری صلاحیت میں اضافہ اور کسان خاندانوں کی آمدن میں بہتری بھی ہے۔ صحت مند مویشی بہتر پیداوار، زیادہ آمدن اور مضبوط دیہی معیشت کا ذریعہ بنیں گے۔تقریب میں معاون خصوصی برائے لائیوسٹاک خورشید خٹک، پرنسپل سیکرٹری وزیراعلیٰ، سیکرٹری لائیوسٹاک، ڈائریکٹر جنرل لائیوسٹاک سمیت متعلقہ حکام نے شرکت کی۔
Read Next
4 گھنٹے ago
چیف سیکرٹری خیبر پختونخوا ڈاکٹر محمد فخر عالم عرفان کی زیرِ صدارت انسدادِ پولیو اقدامات پر اجلاس
14 گھنٹے ago
پاکستان ورکرز فیڈریشن اور لوکل گورنمنٹ ایمپلائز فیڈریشن خیبرپختونخوا کی طرف سے محمد حنیف رامے کو بھاری اکثریت سے کامیابی پر مبارکباد
3 دن ago
ڈپٹی کمشنر کوہاٹ گوہر زمان وزیر نے عہدے کا باقاعدہ چارج سنبھال لیا
5 دن ago
خیبرپختونخوا،ای رجسٹری، لینڈ ریکارڈ مینجمنٹ سسٹم اور ایف بی آر کے درمیان ڈیجیٹل انضمام کا افتتاح
6 دن ago






