خیبر پختونخوا پولیس کے لیے نئی آپریشن گاڑیاں خریدنے کا فیصلہ کیا گیا ہے، وزیراعلیٰ سہیل آفریدی نے سمری پر دستخط کردیے ہیں۔ رپورٹس کے مطابق وزیراعلیٰ کی دستخط شدہ سمری میں 4 اے پی سی، 39 سنگل کیبن سمیت دیگر گاڑیاں شامل ہیں، سمری میں 36 ڈبل کیب پک اپ، 15 پک اپ اور 7 دیگر گاڑیاں بھی شامل ہیں۔ سہیل آفریدی نے کہا ہے کہ ہمارے جوان فرنٹ لائن پر لڑ رہے ہیں، انہیں سہولیات دیں گے، وفاقی حکومت کے رویے کے باوجود صوبائی حکومت پولیس کو جدید سہولتیں دے رہی ہے۔ اُن کا کہنا تھا کہ پولیس کو1 اعشاریہ 89 ارب روپے کی لاگت سے بلٹ پروف گاڑیوں کی فراہمی پر کام جاری ہے۔
