محکمہ ہاؤسنگ پنجاب کے ترجمان کے مطابق لاہور میں پارکس اور گرین بیلٹس کو گہرا کرنے کے منصوبے پر نمایاں پیش رفت جاری ہے۔ شہر کے مختلف علاقوں میں سروے مکمل ہونے کے بعد عملی کام کا آغاز کر دیا گیا ہے۔ترجمان کے مطابق لاہور کے 50 سے زائد پارکس اور 15 گرین بیلٹس کو منصوبے کے لیے منتخب کیا گیا ہے۔ گنج بخش ٹاؤن میں 6، راوی ٹاؤن میں 4 جبکہ گلبرگ ٹاؤن کی 2 پارکس میں ابتدائی مرحلے کا کام تیزی سے جاری ہے۔زمینی پانی کی سطح میں اضافے کے لیے گراؤنڈ واٹر ریچارج ویلز کی تنصیب کے منصوبے پر بھی کام جاری ہے۔ ترجمان کے مطابق گلبرگ کے علاقے میں لبرٹی چوک، مراتب علی روڈ اور ایچ بلاک میں گراؤنڈ واٹر ریچارج ویلز مکمل کر لیے گئے ہیں جبکہ جوہر ٹاؤن کے علاقے میں اللہ ہو چوک، جی تھری بلاک اور بی بلاک میں کام تیزی سے جاری ہے۔منصوبہ آئندہ مون سون سیزن سے قبل اربن فلڈنگ کی روک تھام میں اہم کردار ادا کرے گا۔ متعدد گراؤنڈ واٹر ریچارج ویلز کا کام دسمبر 2025ء تک مکمل کر لیا جائے گا۔وزیر اعلیٰ پنجاب مریم نواز کے ویژن کے مطابق لاہور کو ماحولیاتی طور پر متوازن اور پائیدار شہر بنانے کے لیے تمام منصوبوں پر کام تیزی سے جاری ہے۔
