کمشنر لاہور ڈویژن مریم خان نے صفائی صورتحال جائزہ کے حوالے سے ضلع قصور کا دورہ کیا اور جاری کردہ ہدایات کے مطابق جامع صفائی آپریشن اور پارکس کا جائزہ لیا۔ کمشنر لاہور نے مصطفے آباد تحصیل قصور، الہ آبار تحصیل چونیاں و پتوکی کا دورہ کیا۔ کمشنر لاہور نے ایریاز کا پیدل دورہ کیا اور گلیوں، چوکوں، نالیوں کی صفائی کا جائزہ لیا۔ اس موقع پر ڈی سی قصور عمران علی سمیت ضلعی انتظامی و صفائی افسران بھی ہمراہ موجود تھے۔کمشنرلاہورڈویژن مریم خان نے ضلع انتظامیہ و صفائی افسران کو ہدایات دیتے ہوئے کہا ہے کہ وزیراعلی ہنجاب کی ترجیحات میں صفائی اولین ترجیح ہے، کمشنر لاہور نےتحصیل قصور و تحصیل چونیاں میں کچرے کو صاف کرکے شجرکاری کی ہدایت کردی۔ کمشنر لاہور نے کہا کہ کچرے سے بھرے خالی پلاٹ مالکان کو جوابدہ کیا جائے اور قانون کے مطابق جرمانے کیے جائیں، خالی پرائیویٹ پلاٹ کو ون ٹائم کلیئر کریں اور اسکے مالک کو ذمہ داری کااحساس دلائیں، انہوں نے کہا کہ وزیراعلی پنجاب احکامات کے تحت صفائی اعتبار سے رورل و اربن ایریاز یکساں ہیں، صاف ستھری گلیاں، محلے شہریوں کا حق ہے۔اس پر کوئی کمپرومائز نہیں۔ کمشنر لاہور نے کہ یہ بات یاد رکھی جائے کوئی کام کل سے نہیں آج اور ابھی سے شروع ہوگا، بلا سبب تاخیر پر جوابدہی ہوگی۔ کمشنر لاہور مریم خان نے اہل محلہ سے بھی بات چیت کی، شہریوں نے صفائی آپریشن پر اعتماد کا اظہار کیا۔
