*صارفین سے ٹیکس وصولی کے باوجود سرکاری خزانے میں جمع نہ کروانے والے قومی مجرم ہیں، معظم اقبال سپرا*

چیئرمین پنجاب ریونیو اتھارٹی معظم اقبال سپرا کی زیر صدارت ریونیو کولیکشن میں اضافے بارے خصوصی اجلاس ہوا،19 سیکٹرز سے رواں سال 80 ارب سے زائد ٹیکس کولیکشن کے اہداف کی تکمیل بارے بریفنگ دی گئی، چیئرمین پنجاب ریونیو اتھارٹی نے ٹیکس ریکوری کے زیر التواء کیسز کو فوری نبٹانے اور ریکوری یقینی بنانے کی ہدایات جاری کیں، پنجاب ریونیو اتھارٹی کے ایف بی آر اور ایس ای سی پی سے مفاہمتی یادداشت سے ریونیو کولیکشن بارے آگاہ کیا گیا، گزشتہ 4 ماہ میں صوبہ بھر سے 6 ہزار کے قریب نئے بزنس رجسٹرڈ کیے جاچکے ہیں، چیئرمین پی آر اے معظم اقبال سپرا کا کہنا تھا کہ آئی ای ایم ایس کے نفاذ اور ٹیکس چوری کرنیوالی فوڈ چینز کیخلاف صوبہ بھر میں کریک ڈاؤن کیا جائے، جعلی رسیدوں کی فراہمی اور ریکارڈ میں خرد برد کرنیوالوں کے گرد شکنجہ سخت کیا جائے گا،صارفین سے ٹیکس وصولی کے باوجود سرکاری خزانے میں جمع نہ کروانے والے قومی مجرم ہیں۔