خیبرپختونخوا کے ثقافتی و تاریخی ورثے کے لیے قابلِ فخر سنگِ میل!خیبرپختونخوا کے چار اہم آثارِ قدیمہ و ثقافتی ورثے کے مقامات، بھامالا ہری پور،سیٹھی ہاؤس پشاور، بریکوٹ سوات اور گور گھٹری پشاور کو یونیسکو کی عالمی ورثہ کی عارضی فہرست میں شامل کر لیا گیا ہے۔ترجمان خیبرپختونخوا حکومت کے مطابق چیئرمین عمران خان کا وژن ہمیشہ یہ رہا ہے کہ ہمیں اپنے ثقافتی ورثے کو محفوظ بنانا چاہیے اور آنے والی نسلوں کو اپنے شاندار ماضی سے آگاہ کرنا چاہیے۔ اسی وژن پر عمل کرتے ہوئے وزیراعلیٰ خیبرپختونخوا محمد سہیل خان آفریدی کی قیادت میں معاونِ خصوصی برائے سیاحت، ثقافت و آثارِ قدیمہ ملک عدیل اقبال کی سربراہی میں محکمہ آثارِ قدیمہ خیبرپختونخوا صوبے کے قیمتی آثارِ قدیمہ اور ثقافتی ورثے کے تحفظ، بحالی اور عالمی سطح پر تشہیر کے لیے پُرعزم ہے۔یہ کامیابی خیبرپختونخوا کے شاندار تاریخی ورثے کو عالمی سطح پر اجاگر کرنے اور آنے والی نسلوں کے لیے محفوظ بنانے کی جانب ایک اہم قدم ہے۔
بھامالاہری پور،سیٹھی ہاؤس پشاور،بریکوٹ سوات اور گور گھٹری پشاور یونیسکو کی عالمی ورثہ کی عارضی فہرست میں شامل
