پشاور(بلدیات ٹائمز) پاکستان بننے کے 76 سال بعد خیبرپختونخوا کے بلدیاتی اداروں کے ملازمین کے لئے موجودہ سپیکر صوبائی اسمبلی بابر سلیم خان سواتی کی پیش کردہ قرارداد صوبائی اسمبلی سے منظوری پر سروس سٹرکچر کی فراہمی یقینی بن گئی جس کے لئے اس وقت کے ممبر اسمبلی موور قرارداد بابر سلیم خان سواتی اور اس وقت کے سپیکر اسمبلی اور موجودہ ممبر اسمبلی مشتاق احمد غنی خراج تحسین کے مستحق ہیں۔ان خیالات کا اظہار سرہرست اعلیٰ فیڈریشن ، شاد خان صدر ایمپلائز یونین چارسدہ، محمد اقبال TMA مانسہرہ ، آصف رحمان TMA مانسہرہ ، محمد وسیم صدر TMA بفہ پکھل مانسہرہ اور صوبائی صدر لوکل گورنمنٹ ایمپلائز فیڈریشن خیبرپختونخوا حاجی انور کمال خان مروت اور جنرل سیکریٹری فیڈریشن سلیمان خان ہوتی اور دیگرز نے بلدیاتی ملازمین کے لئے سروس سٹرکچر کی منظوری پر تمام ممبران اسمبلی جو خراج تحسین پیش کرتے ہوتے کہا کہ افسوس کی بات ہے سروس سٹرکچر کی فراہمی کے باوجود سروس سٹرکچر کے ثمرات بلدیاتی ملازمین تک نہیں پہنچنے دئے جا رہے اور جان بوجھ کر بلدیاتی ملازمین کو ان کی ترقی و تعیناتی کے حق سے محروم رکھ کر صوبائی اسمبلی کے ممبران کے فیصلوں اور استحقاق کو مجروح کیا جا رہا ہے۔ سن خیالات کا اظہار مختلف TMAs کی یونین عہدیداران نے لوکل گورنمنٹ ایمپلائز فیڈریشن رجسٹرڈ خیبرپختونخوا کی صوبائی کابینہ کے اجلاس منعقدہ ڈسٹرکٹ کونسل ہال نوشہرہ میں کیس ہے۔ انہوں نے ممبران صوبائی اسمبلی خیبرپختونخوا سے *منظور شدہ قرارداد کی روشنی میں تیار شدہ سروس سٹرکچر پر عملدرآمد یقینی بنانے کے لئے اسمبلی فلور پر آواز بلند کرنے کا مطالبہ* کیا ہے۔ مزید براں فیڈریشن رہنماؤں نے لوکل گورنمنٹ ڈیپارٹمنٹ کے اعلیٰ حکام سے منظور شدہ سروس سٹرکچر پر مکمل عملدرآمد یقینی بنانے کا مطالبہ بھی کیا ہے۔
