پنجاب کے سرکاری ہسپتالوں میں پیدائش اور اموات کا آن لائن اور درست ڈیجیٹل اندراج ،نادرا، محکمہ صحت اور محکمہ بلدیات کے درمیان اہم معاہدہ

نادرا، محکمہ صحت اور محکمہ بلدیات کے درمیان اہم معاہدہ طے پا گیا ہے، جس کے تحت پنجاب کے سرکاری ہسپتالوں میں پیدائش اور اموات کا آن لائن اور درست ڈیجیٹل اندراج ممکن ہو گا۔اس معاہدے کے ذریعے ہسپتالوں اور دیگر محکموں کے درمیان ڈیجیٹل روابط مزید مضبوط ہوں گے، اور بروقت اور درست معلومات کی فوری دستیابی ممکن ہو سکے گی۔صوبائی وزیر صحت و آبادی خواجہ عمران نذیر نے تقریب میں شرکت کی اور معاہدے پر عمل درآمد کے لیے تمام متعلقہ محکموں کی کوششوں کو سراہا۔ اس اقدام سے شعبہ صحت کی منصوبہ بندی، نظم و نسق اور عوامی خدمات کی فراہمی میں مزید بہتری آئے گی۔نادرا کے اسسٹنٹ ڈائریکٹر رضوان علی نے ڈیٹا وصولی، تصدیق اور بلدیاتی محکمے کے ساتھ معلومات کی فراہمی کے طریقہ کار سے شرکاء کو آگاہ کیا۔

محکمہ بلدیات پنجاب کے مطابق پیدائش و اموات کا درست ڈیجیٹل ریکارڈ مرتب کرنے کا منصوبہ کے سلسلہ میں محکمہ صحت ، محکمہ بلدیات اور نادرا میں معاہدہ طے پا گیا ہے۔اب سرکاری علاج گاہوں میں پیدائش و اموات کا آن لائن اندراج ہو سکے گا۔تقریب میں صوبائی وزیر صحت و آبادی خواجہ عمران نذیر نے بطور مہمانِ خصوصی شرکت کی۔ پارلیمانی سیکرٹری اسما ناز عباسی، سیکرٹری صحت و آبادی نادیہ ثاقب اور متعلقہ محکموں کے افسران بھی موقع پرموجود تھے۔ معاہدے سے سرکاری ہسپتالوں اور دیگر محکموں کے مابین ڈیجیٹل روابط کو مذید مربوط بنایا جائے گا۔معاہدے سے پنجاب کے سرکاری ہسپتالوں میں پیدائش اور اموات کی بروقت اور درست اطلاع و اندراج ممکن ہو گا۔معاہدے کا مقصد پیدائش اور اموات کی اطلاع کے ڈیجیٹل نظام کو سول رجسٹریشن اور اہم شماریاتی نظام کے ڈیش بورڈز اور بلدیاتی اداروں سے منسلک کرنا ہے۔ محکمہ صحت و آبادی کے عون عباس بخاری، نادرا پنجاب کی فضا شاہد، محکمہ بلدیات و کمیونٹی ڈویلپمنٹ کے احمد کمال، سپیشلائزڈ ہیلتھ کیئر کے ڈاکٹر حافظ محمد وسیم نے دستخط کیے۔ہسپتالوں کے ڈیجیٹل ریکارڈز کو ڈیٹا شیئرنگ نظام کے تحت قومی شناختی ادارہ کے نظام سے منسلک کیا جا رہا ہے۔جس سے درست اور بروقت معلومات کی فوری دستیابی ممکن ہو سکے گی،

خواجہ عمران نذیر نے ایم او یو کے لئے تمام متعلقہ محکموں کی کاوشوں کو سراہا۔معاہدے سے سرکاری ہسپتالوں میں پیدائش اور اموات کا بروقت، درست اور حقیقی وقت میں اندراج ممکن ہو گا، صوبائی وزیر صحت و آبادی نے مزید کہا کہ شعبہ صحت کی منصوبہ بندی، نظم و نسق اور عوامی خدمات کی فراہمی کے نظام کو مزید بہتر بنایا جا سکے گا۔معاہدے سے ہسپتالوں کا انفارمیشن سسٹم مضبوط ہوگا، اداروں کے درمیان ربط بڑھے گا۔ڈیجیٹل نظام کے مؤثر نفاذ پر عملدرامد کو یقینی بنایا جائے گا۔پنجاب کے سرکاری مراکز صحت میں الیکٹرانک طبی ریکارڈز 24/7 مرتب کیا جا رہا ہے،۔نادرا کے اسسٹنٹ ڈائریکٹر جناب رضوان علی نے ڈیٹا وصولی، تصدیق اور بعد ازاں بلدیاتی محکمے کے ساتھ معلومات کی فراہمی کے طریقہ کار سے آگاہ کیا