سینئر وزیر پنجاب مریم اورنگزیب نے محکمہ لوکل گورنمنٹ اینڈ کمیونٹی ڈویلپمنٹ کا دورہ کیا اور ستھرا پنجاب پروگرام کے بارے میں جامع بریفنگ لی۔
وزیر بلدیات ذیشان رفیق نے سینئر وزیر کا پرتپاک استقبال کیا اور سُتھرا پنجاب پروگرام کے وژن، مقاصد اور عملدرآمد کی حکمت عملی کے بارے میں تفصیلی بریفنگ دی۔
انہوں نے کلیدی اقدامات پر روشنی ڈالی جن کا مقصد صوبے کے شہری اور دیہی علاقوں میں صفائی، فضلہ کے انتظام اور صفائی کو بہتر بنانا ہے۔اس موقع پر سپیشل سیکرٹری لوکل گورنمنٹ آسیہ گل، ڈائریکٹر جنرل ستھراپنجاب اتھارٹی بابر صاحب دین اور ایڈیشنل سیکرٹری لوکل گورنمنٹ احمر سہیل کیفی بھی موجود تھے اور انہوں نے پروگرام کے تحت ہونے والی پیش رفت، بین الاضلاعی رابطوں اور مستقبل کے منصوبوں کے بارے میں آگاہی فراہم کی۔
