خیںر پختونخوا حکومت کا صوبہ بھر میں صفائی اور ویسٹ مینجمنٹ کے عمل کو بہتر بنانے کے لیے اہم اقدام،وزیراعلیٰ خیبر پختونخوا علی امین گنڈاپور نے "اسمارٹ ویسٹ مینجمنٹ فریم ورک” کی منظوری دے دی۔ اس اقدام کا مقصد شہریوں کے لیے ایک صاف اور صحت مند ماحول یقینی بنانا ہے۔فریم ورک پر عمل درآمد کے لیے وزیر اعلیٰ سیکرٹریٹ سے چیف سیکرٹری خیبر پختونخوا کو باضابطہ مراسلہ جاری کر دیا گیا ہے ۔ منصوبے کا مقصد تمام واٹر اینڈ سینیٹیشن سروسز کمپنیوں اور ٹی ایم ایز کی سرگرمیوں کو ڈیجیٹل ٹریکنگ کے ذریعے جدید خطوط پر استوار کرنا ہے۔ اس فریم ورک پر عمل درآمد سے متعلقہ اداروں کی آپریشنل استعداد میں اضافہ ہو گا اور وسائل کا مؤثر استعمال یقینی ہو گا۔ویسٹ مینجمنٹ کے عمل کو جدید طرز پر استوار کرنے کے لیے جدید ٹیکنالوجی سے استفادہ کیا جائے گا۔ اس مقصد کے لیے ایک کلیدی جزو کے طور پر "پاک صاف ایپ” کا اجراء کیا جائے گا۔ اس ایپ کے ذریعے صوبہ بھر میں کوڑا کرکٹ جمع کرنے کے عمل کی ریئل ٹائم نگرانی یقینی بنائے گی۔ اسی طرح افرادی قوت کی جوابدہی، گاڑیوں کے مؤثر انتظام، اور ڈیٹا پر مبنی فیصلہ سازی کو بھی ممکن بنایا جائے گا۔ صفائی کے نظام کو بہتر بنانے کے لیے شہری علاقوں میں مقررہ مقامات پر کچرا جمع کرنے کے پوائنٹس متعین کیے جائیں گے۔ ان پوائنٹس کی تعداد بتدریج بڑھائی جائے گی اور ان کی نگرانی کے نظام کو مضبوط کیا جائے گا۔دیہی علاقوں میں گاؤں کی سطح پر کچرا جمع کرنے کے نظام، موبائل ویسٹ یونٹس، اور کمیونٹی کی شمولیت کو فروغ دیا جائے گا۔ اسمارٹ ویسٹ مینجمنٹ اقدام کا نفاذ مرحلہ وار طریقے سے محکمہ بلدیات کے ذریعے کیا جائے گا۔پہلے مرحلے میں کوڑا کرکٹ پیدا ہونے کی مقدار کا تجزیہ اور موجودہ انفراسٹرکچر کی نقشہ بندی کی جائے گی۔ دوسرے مرحلے میں "پاک صاف ایپ” کی تیاری اور منتخب علاقوں میں پائلٹ پروجیکٹس کا آغاز کیا جائے گا۔ تیسرے اور آخری مرحلے میں ٹریکنگ سسٹم کا صوبے بھر میں نفاذ کیا جائے گا۔شکایات کے ازالے کا ایک مؤثر نظام قائم کیا جائے گا، اور کارکردگی کی مسلسل نگرانی یقینی بنائی جائے گی۔ مراسلے میں تمام متعلقہ حکام کو فریم ورک پر عمل درآمد کے لیے قابل عمل پلان بمعہ ٹائم لائنز تیار کر کے پیش کرنے کی ہدایت کی گئی ہے۔
Read Next
8 گھنٹے ago
تمام ویلیج اور نیبرہُڈ کونسل سیکرٹریوں کو عوامی خدمت کے دس سال کامیابی سے مکمل کرنے پر دلی مبارک باد پیش کرتا ہوں،ملک ارشد خان
8 گھنٹے ago
*گیارہ فروری خیبرپختونخوا اسمبلی چوک احتجاجی دھرنا میں شرکت کے لیے سنٹرل کرم میں اجلاس*
8 گھنٹے ago
گیارہ فروری بلدیاتی نمائندگان احتجاجی دھرنا میں تحصیل چارسدہ سے بھرپور شرکت ہوگی
10 گھنٹے ago
وزیر اعلیٰ خیبر پختونخوا محمد سہیل آفریدی نے پشاور سپورٹس کمپلیکس میں انڈر 21 گیمز کا با ضابطہ آغاز کر دیا
1 دن ago
ضلع پشاور کی تمام تحصیلوں کے پارلیمانی لیڈران کا اجلاس زیر صدارت مفتی طلا محمد چئیرمین تحصیل لوکل گورنمنٹ بڈھ بیر پشاور منقعد
Related Articles
وزیراعلیٰ خیبرپختونخوا محمد سہیل آفریدی نے نوجوانوں کو بلا سود قرضہ اسکیم کی رقم 3 ارب سے بڑھا کر 5 ارب روپے کرنے کا اعلان کر دیا
1 دن ago
محکمہ بلدیات کے ہزاروں ملازمین اور فنڈز کی کمی کے باعث تنخواہوں اور پنشن سے محروم ہیں،خاتون رکن اسمبلی آمنہ سردار کا خیبرپختونخوا اسمبلی میں توجہ دلاو نوٹس پیش
2 دن ago
محمد سہیل آفریدی کی زیر صدارت اجلاس،تیراہ ، کرم اور باجوڑ کے متاثرین کو معاوضوں کی ادائیگی سے متعلق امور کا جائزہ
3 دن ago
لوکل گورنمنٹ ایمپلائز فیڈریشن خیبرپختونخوا کے عہدیداران کی شبانہ روز محنت رنگ لائی،سٹلڈ ایریاز کی77 اور مرجر ایریاز کی24 ٹی ایم ایز کو خصوصی گرانٹ جاری
3 دن ago


