ڈی جی ایل ڈی اے طاہر فاروق نے نیلا گنبد انڈر گراؤنڈ پارکنگ پلازہ کا دورہ کیا۔ڈی جی ایل ڈی اے طاہر فاروق نے نیلا گنبد انڈر گراؤنڈ پارکنگ پلازہ کے جاری کاموں کا جائزہ لیا۔چیف انجینئر ٹیپا اقرار حسین اور کنٹریکٹر نے بریفنگ دی۔ ٹیپا نے نیلا گنبد پارکنگ پلازہ کی تعمیر کا آغاز کر دیا۔انڈر گراؤنڈ پارکنگ پلازہ کی تعمیر کے لیے مشینری تعینات کر دی گئی ہے۔انڈر گراؤنڈ پلازہ کے لیے پائلنگ کا کام تیزی سے جاری ہے۔لیسکو، پی ایچ اے، واسا سمیت تمام ادارے سروسز کی منتقلی پر کام کر رہے ہیں۔16 کنال پر زیر زمین تین بیسمنٹ پر پارکنگ اور فرسٹ بیسمنٹ پر دکانیں بنائی جائیں گی۔ نیلا گنبد پارکنگ پلازہ میں 374 گاڑیوں اور 790موٹر سائیکلوں کی پارکنگ کی گنجائش ہوگی۔ ڈی جی ایل ڈی اے طاہر فاروق نے نیلا گنبد پارکنگ پلازہ پر کام کی رفتار تیز کرنے اور معیار کو یقینی بنانے کی ہدایت کی۔ ڈی جی ایل ڈی اے نے کہا کہ نیلا گنبد کے اطراف ٹریفک ڈائیورشن پلان لگایا جائے۔ترقیاتی کاموں کے دوران حفاظتی ایس او پیز کا نفاذ ہر صورت یقینی بنایا جائے۔ انڈر گراؤنڈ پارکنگ منصوبے سے شہریوں کو سہولت اور علاقے کی خوبصورتی میں اضافہ ہوگا۔
پارکنگ پلازہ کے اطراف اوپن ایریاز اور سیٹنگ ایریا کو انتہائی خوبصورت بنایا جائے گا۔
