کمشنر لاہور مریم خان نے ”مریم کے مہمان“ رمضان دسترخوانوں کا دورہ کیا اور افطاری کی۔ کمشنر لاہور اور ڈی سی لاہور کیپٹن ر علی اعجاز نے ٹی ایچ کیو سبزہ سبزہ زار اور داراشفقت یتیم خانہ کا دورہ کیا اور افطاری دسترخوان کا جائزہ لیا۔ کمشنر لاہور مریم خان نے داراشفقت یتیم خانہ میں مقیم بچوں کے ساتھ افطاری کی۔ دارشفقت چوک یتیم خانہ میں مقیم بچوں کے ساتھ افطار دسترخوان پر ضلعی انتظامیہ کے تمام افسران نے شرکت کی۔اس موقع پر کمشنر لاہور نے کہا کہ وزیراعلٰی پنجاب کی ہدایات پر رمضان دسترخوان ایک مثالی خدمت ہے، لاہور کی ہر تحصیل میں دو سے زائد رمضان دسترخوان لگائے گئے ہیں،انتظامیہ کے زیراہتمام مخیر افراد کے تعاون سے رمضان دسترخوانوں کو بہترین معیار پر لگایا گیا ہے۔ انہوں نے کہا کہ شہریوں کیلے مخیر افراد کے تعاون سے ہسپتالوں و دیگر جگہوں پر دسترخوان لگائے گئے ہیں، ہسپتالوں میں افطار دسترخوان دور دراز سے آئے مریضوں کے اٹنڈنٹس کیلیے اہم خدمت ہے۔
