*لاہور ڈویژن میں 3لاکھ 27 ہزار412حقداروں کو رمضان راشن کارڈز تقسیم کیے جارہے ہیں۔کمشنر لاہور*

کمشنرلاہورڈویژن مریم خان نے کہا ہے کہ لاہور ڈویژن میں 3لاکھ 27 ہزار412حقداروں کو رمضان راشن کارڈز تقسیم کیے جارہے ہیں، 1لاکھ 38ہزار694مستحقین کی دہلیز پر جاکر رمضان کارڈز وصول کرائے جا چکے ہیں۔ انہوں نے کہا کہ 10رمضان تک ہر حقدار کی دہلیز پر ایکٹیویٹڈ کارڈ فراہم کیا جائیگا، رمضان کارڈ میں10ہزار روپے حقدار کیلئے ہیں۔کسی قسم کی کوئی کٹوتی نہیں۔ کمشنر لاہور نے کہا کہ لاہور کے 23 سمیت لاہور ڈویژن میں 51رمضان دسترخوان فعال ہیں، اضلاع رمضان نگہبان دسترخوانوں کی تعداد بڑھائیں بہت بڑی خدمت ہے۔کمشنر لاہور ڈویژن مریم خان کی زیر صدارت ڈویژنل اعلی سطحی اجلاس منعقد ہوا۔ اجلاس میں رمضان نگہبان راشن کارڈز تقسیم، رمضان دسترخوان، سہولت بازار، پرائس کنٹرول کا جائزہ لیا گیا۔کمشنرلاہور نے کہا کہ لاہورڈویژن میں 31 رمضان سہولت بازار فعال ہیں، پرائس کنٹرول کیلئے 24گھنٹے میں 8329انسپیکشنز کی گئی جس میں سے 496اوورچارجنگ پائی گئیں، ناجائز منافع خوری پر 8لاکھ 76ہزار روپے جرمانہ عائد، 6 ایف آئی آر درج اور 13 افراد کو گرفتار کیا گیا۔ کمشنر لاہور نے کہا کہ گرانفروشی و ناجائز منافع خوری پر زیرو ٹالرنس ہے مارکیٹ کی سخت نگرانی کریں، پرائس کنٹرول کیلئے مجسٹریٹس اور پیرا فورس کو فیلڈ میں متحرک کردیا گیا ہے، رمضان بازاروں کے علاوہ اوپن مارکیٹس میں 22 اہم بازاروں کی بھی مکمل پرائس چیکنگ ہورہی ہے، وزیراعلی پنجاب کی اولین ترجیحات میں صفائی، پرائس کنٹرول، بیوٹیفکیشن شامل ہیں۔اجلاس میں ڈی سی لاہور کیپٹن ر علی اعجاز، ایڈیشنل کمشنر حامد محمود ملہی، ایڈیشنل کمشنر محمد ارشد بھٹی، ڈی سی شیخوپورہ شاہد عمران مارتھ، ڈی سی قصور آصف رضا، ڈی سی ننکانہ راو تسلیم ڈپٹی کمشنرز نے بذریعہ ویڈیولنک شرکت کی۔