کمشنر لاہور ڈویژن نعمان یوسف نے ڈی سی ننکانہ رعنا حمید کے ہمراہ ضلعی ننکانہ صاحب کا دورہ کیا۔ کمشنر لاہور نعمان یوسف نے ٹی ایچ کیو ہسپتال سانگلہ ہل اور ڈسپوزل اسٹیشن سانگلہ ہل کا دورہ کیا۔ اس موقع پر 1122ریسکیو، واسا، سی اینڈ ڈبلیو، سول ڈیفنس و ضلعی افسران ہمراہ موجود تھے۔ کمشنر لاہور نے ٹی ایچ کیو ہسپتال سانگلہ ہل کا دورہ کیا اور سیفٹی آلات، فائر ہائیدرینٹس کی تنصیب و فعالیت کو چیک کیا۔ انہوں نے ہسپتال کے مختلف شعبہ جات کے باہر نئے نصب شدہ فائر ہائیڈرینٹس کو چیک کیا، ہسپتال وارڈز و کاریڈورز میں آگ بجھانے والے آلات کی تنصیب و فعالیت کو بھی چیک کیا۔ کمشنر لاہور نے وارڈز میں موجود مریضوں سے ملاقات کی اور طبی سہولیات بارے دریافت کیا۔اس موقع پر گفتگو کرتے ہوئے کمشنر لاہور نعمان یوسف نے کہا ہے کہ ہسپتالوں میں سیفٹی آلات فائر ہائیڈرنٹس کی تنصیب و فعالیت کو چیک کیا جا رہا ہے، ریسکیو 1122 مطلوبہ پوائنٹ کی نشاندہی پر فائرہائڈرنیٹس و سیفٹی آلات نصب کیے جارہے ہیں، واسا شناخت کردہ پوائنٹس پر فائر ہائیڈرینٹس نصب کررہا ہے۔ کمشنر لاہور نے کہا کہ یکساں اہمیت ہے کہ سیفٹی آلات کی تنصیب اور استعمال کی تربیت کو مکمل طور پر چیک کیا جائے۔ انہوں نے کہا کہ بحثیت ایک ٹیم تمام محکمے سیفٹی آلات کی تنصیب و فعالیت کو مکمل کررہے ہیں، ہسپتال انتظامیہ کی انٹرنل ٹیمز تمام پہلووں سے سیفٹی آلات کو چیک کریں، تمام ہسپتالوں کو ضلعی انتظامیہ کا مکمل تعاون حاصل ہے، ٹیمیں سروے و فزیکل کام مکمل کریں۔بعد ازاں کمشنر لاہور ڈویژن نعمان یوسف نے ڈسپوزل اسٹیشن سانگلہ ہل کا دورہ کیا۔ اس موقع پر واسا و ضلعی انتظامیہ نے بریفنگ دی۔ بریفنگ میں بتایا گیا کہ ڈسپوزل سٹیشن نیسپاک ڈیزائین کے مطابق اور ہل کیچمنٹ ایریا و آبادی کو مدنظر رکھ کر بنایا جارہا ہے۔ اس پر کمشنرلاہور نے ہدایت دیتے ہوئے کہا کہ ڈسپوزل اسٹیشن سانگلہ ہل کو ڈیڈ لائن کے مطابق مکمل کریں۔
*کمشنر لاہور نعمان یوسف کا ٹی ایچ کیو ہسپتال سانگلہ ہل۔ ڈسپوزل اسٹیشن سانگلہ ہل کا دورہ۔*
