محکمہ مقامی حکومت،الیکشن و دیہی ترقی خیبرپختونخوا نے منتخب مقامی حکومتوں کے نمائندوں کی مدت ختم ہونے کے بعد ایڈمنسٹریٹرز کی تقرریاں کر دی ہیں۔جو بلدیاتی انتخابات اور منتخب مقامی حکومتوں کے نمائندوں کی عدم موجودگی میں بلدیاتی اداروں کے انتظامی امور سرانجام دیں گے۔ایڈمنسٹریٹرز کو میئرز،اور چیئرمینز کے اختیارات دے دیئے گئے ہیں۔اس سلسلہ میں جاری نوٹیفکیشن کے مطابق کیپیٹل میٹروپولیٹن گورنمنٹ پشاور کے انتظامی امور ڈپٹی کمشنر پشاور کے سپرد کر دیئے گئے ہیں۔چیئرمین سٹی لوکل گورنمنٹ کے سوشل سروسز کے انتظامی اختیارات ڈپٹی کمشنرز جبکہ میونسپل سروسز کے ٹی ایم اوز کو دیئے گئے ہیں۔چیئرمین تحصیل لوکل گورنمنٹس کے اختیارات سوشل سروسز کے حوالے سے متعلقہ اسسٹنٹ کمشنرز اور میونسپل سروسز متعلقہ تحصیل میونسپل آفیسر کے پاس ہونگے۔خیبرپختونخوا کی ویلج اور نیبر ہڈ کونسلز کے ایڈمنسٹریٹرز متعلقہ اسسٹنٹ ڈائریکٹرز لوکل گورنمنٹ الیکشنز و رورل ڈویلپمنٹ کو دیئے گئے ہیں۔سیکرٹری بلدیات خیبرپختونخوا کی جانب سے نوٹیفکیشن جاری کیا گیا ہے۔
