*کمشنر لاہور کا رم مارکیٹ، لاری اڈہ منسلک ٹیپا و ایل ڈی اے ترقیاتی پراجیکٹ کا دورہ*

کمشنر لاہور مریم خان نے ڈی سی لاہور کیپٹن ر علی اعجاز کے ہمراہ رم مارکیٹ، لاری اڈہ ایریا کا دورہ کیا اور رم مارکیٹ لاری اڈہ سے منسلک ٹیپا اور ایل ڈی اے کے ترقیاتی کاموں کا جائزہ لیا۔ اس موقع پر ڈی جی ایل ڈی اے طاہر فاروق، چیف انجینر ٹیپا اقرار حسین بھی ہمراہ موجود تھے۔ کمشنر لاہور نے رم مارکیٹ، تاریخی مریم زمانی بیگم مسجد، شہید بھائی منی سنگھ، پانی والا تالاب عمارت کا دورہ کیا۔ لاہور والڈ سٹی اتھارٹی اور اے سی نے رم مارکیٹ منتقلی پلان کے حوالے سے آن سپاٹ بریفنگ دی۔ ڈی جی ایل ڈی اے نے پانی والا تالاب تاریخی عمارت پر جاری ایل ڈی اے ترقیاتی پراجیکٹ پیشرفت پر بھی بریفنگ دی۔کمشنرلاہورڈویژن مریم خان نے کہا ہے کہ تاریخی بیگم زمانی مسجد، شہید بھائی منی سنگھ گردوارہ سمیت ایریا کو محفوظ کیا جائیگا، منڈی یا مارکیٹ کی منتقلی سے کاروبار کو نقصان نہیں ہوگا بلکہ کاروبار کو فروغ ملے گا۔ انہوں نے کہا کہ تمام سٹیک ہولڈرز کو اعتماد میں لیا جارہا ہے، رم مارکیٹ منتقلی مراحل میں ہوگی، تاریخی عمارات کے ساتھ کاروبار کو بھی محفوظ بنانا ترجیح ہے۔کمشنر لاہور نے کہا کہ وزیراعلی پنجاب کے وژن کے تحت تاریخ و ثقافتی اہمیت کی تمام عمارات و یادگاروں کو محفوظ بنایا جارہا ہے، عالمی ثقافتی ورثہ کو محفوظ بنانا پاکستان کا قومی فرض ہے۔