وزیر اعلیٰ پنجاب کی ہدایت پر صوبہ بھر میں جاری پنجاب ڈویلپمنٹ پروگرام کے تحت ترقیاتی منصوبوں کی 24 گھنٹے مانیٹرنگ جاری ہے۔ 15 اضلاع میں 204 ارب روپے کے تاریخی ترقیاتی پروگرام پر تیزی سے کام جاری ہے اور مختلف اضلاع میں نمایاں پیش رفت سامنے آئی ہے۔جاری کردہ تازہ ترین اعداد و شمار کے مطابق سرگودھا میں 26.4 فیصد، اوکاڑہ میں 21.5 فیصد، ڈیرہ غازی خان میں 17.1 فیصد اور جھنگ میں 14.2 فیصد ترقیاتی کام مکمل ہو چکے ہیں۔اسی طرح گجرات میں 13.7 فیصد، حافظ آباد میں 12.6 فیصد، فیصل آباد میں 10.5 فیصد اور ساہیوال میں 10.7 فیصد ترقیاتی کام مکمل کیے جا چکے ہیں۔مزید برآں جہلم میں 9 فیصد، ننکانہ صاحب میں 4.9 فیصد، شیخوپورہ میں 4.5 فیصد اور ملتان میں 5 فیصد ترقیاتی کام مکمل ہو چکے ہیں۔گوجرانوالہ میں 4 فیصد، راولپنڈی میں 2.5 فیصد اور سیالکوٹ میں 2.3 فیصد ترقیاتی کام مکمل کر لیے گئے ہیں۔ترجمان محکمہ ہاؤسنگ کے مطابق مون سون سیزن سے قبل ترقیاتی کاموں کی رفتار مزید تیز کرنے کے لیے اہم اقدامات کیے جا رہے ہیں تاکہ منصوبوں کو بروقت مکمل کیا جا سکے۔ترجمان نے شہریوں سے اپیل کی ہے کہ وہ جاری ترقیاتی کاموں کے اردگرد حفاظتی ایس او پیز پر عمل کریں اور احتیاطی تدابیر اختیار کریں۔ شہریوں کو ہدایت کی گئی ہے کہ گہری کھدائی والی جگہوں کے قریب نہ جائیں اور بچوں و بزرگ شہریوں کا خصوصی خیال رکھیں۔ترجمان نے مزید کہا کہ وزیر اعلیٰ پنجاب کے وژن کے مطابق ترقیاتی منصوبوں کو معیاری اور بروقت مکمل کیا جا رہا ہے۔
