محمد سہیل خان آفریدی کی زیر صدارت دہشتگردی سے متاثرہ اقلیتی برادری کے انڈومنٹ فنڈ کی اسسمنٹ کمیٹی کا ویڈیو لنک اجلاس

وزیراعلیٰ خیبرپختونخوا محمد سہیل خان آفریدی کی زیر صدارت دہشتگردی سے متاثرہ اقلیتی برادری کے انڈومنٹ فنڈ کی اسسمنٹ کمیٹی کا ویڈیو لنک اجلاس منعقد ہوا۔وزیراعلیٰ محمد سہیل خان آفریدی نے اقلیتی برادری کے حقوق اور تحفظ کیلئے اہم فیصلے کئے. وزیراعلیٰ نے 2013 کے آل سینٹس چرچ کوہاٹی گیٹ پشاور حملے کے متاثرین کو رواں ہفتے مالی معاونت کے چیکس دینے کی ہدایت کی۔ انڈومنٹ فنڈ کی سیڈ منی 200 ملین سے بڑھا کر 400 ملین روپے کرنے کا فیصلہ کیا گیا۔ فنڈ کے تحت بیواؤں کے لیے مقررہ امدادی رقم 10 لاکھ روپے سے بڑھا کر 20 لاکھ روپے کرنے کی ہدایت بھی کی گئی۔ یتیموں کی امدادی رقم 5 لاکھ سے بڑھا کر 15 لاکھ روپے، معذور افراد کی رقم 5 لاکھ سے بڑھا کر 10 لاکھ روپے کرنے کی ہدایت کی گئی۔ زخمیوں کے لیے مقررہ امدادی رقم ایک لاکھ روپے سے بڑھا کر چھ لاکھ روپے کرنے کی ہدایت بھی کی گئی۔ اقلیتی برادری کے لیے محکمہ اوقاف میں علیحدہ سے ڈائریکٹوریٹ کے قیام پر ہوم ورک، اقلیتی برادری کی رہائشی کالونیوں کی بحالی کے لیے ترقیاتی اسکیم اگلے سالانہ ترقیاتی پروگرام میں تجویز کرنے کی ہدایت کرتے ہوئے اجلاس میں وزیراعلیٰ خیبرپختونخوا محمد سہیل آفریدی نے کہا کہ اقلیتی برادری کا تحفظ اور فلاح ہماری آئینی و اخلاقی ذمہ داری ہے، ملک کی ترقی میں اقلیتی برادری کا کردار قابل قدر ہے، خیبرپختونخوا حکومت اس کے شانہ بشانہ کھڑی ہے۔ ہمارے قائد عمران خان کے وژن کے مطابق اقلیتی شہریوں کو برابر کے حقوق اور مواقع فراہم کرناحکومت کی اولین ترجیح ہے۔