وزیر بلدیات سندھ سید ناصر حسین شاہ نے شہر کے مختلف علاقوں کا ہنگامی دورہ کرتے ہوئے بارش سے پیدا ہونے والی صورتحال کا جائزہ لیا اور متعلقہ اداروں کو فوری اقدامات کی ہدایت جاری کی۔ تفصیلات کے مطابق وزیر بلدیات نے شاہراہ فیصل، شاہین کمپلیکس، ایم اے جناح روڈ، کے ڈی اے چورنگی لیاقت آباد، نمائش، گارڈن اور سہراب گوٹھ سمیت متعدد علاقوں کا دورہ کیا جہاں انہوں نے نکاسی آب کے انتظامات، سڑکوں کی صورتحال اور شہری سہولیات کا معائنہ کیا۔ اس موقع پر ڈپٹی میئر کراچی سلمان عبداللہ مراد، مختلف ٹاؤنز کے چیئرمینز اور بلدیاتی افسران بھی ان کے ہمراہ موجود تھے۔ وزیر بلدیات نے مختلف سیاسی و سماجی جماعتوں کے بلدیاتی نمائندوں سے ملاقاتیں کیں اور ان سے بارش کے باعث درپیش مسائل، شکایات اور جاری کاموں سے متعلق تفصیلی آگاہی حاصل کی۔ میڈیا سے گفتگو کرتے ہوئے ناصر حسین شاہ نے کہا کہ شدید بارش کے باعث شہر کے بعض نشیبی علاقوں میں مسائل پیدا ہوئے تاہم متعلقہ عملے نے بروقت کارروائی کرتے ہوئے متعدد مقامات پر پانی کی نکاسی کو یقینی بنایا۔ انہوں نے کہا کہ وزیراعلیٰ سندھ کی ہدایت پر کمشنر کراچی، ڈپٹی کمشنرز اور ایس ایس پیز سمیت تمام متعلقہ افسران فیلڈ میں موجود ہیں اور صورتحال کی مسلسل نگرانی کی جا رہی ہے۔ انہوں نے بتایا کہ جن مقامات سے شکایات موصول ہوئیں وہاں فوری طور پر اقدامات کیے گئے جبکہ چند علاقوں میں کام تیزی سے جاری ہے اور جلد مکمل کرلیا جائے گا۔ وزیر بلدیات کا کہنا تھا کہ یوسی چیئرمینز اور بلدیاتی نمائندے بھی فیلڈ میں متحرک ہیں اور دن رات کام کرتے ہوئے شہریوں کو ریلیف فراہم کر رہے ہیں۔ انہوں نے مزید کہا کہ نشیبی علاقوں سے برساتی پانی کی نکاسی کے لیے ہیوی مشینری تعینات کی گئی ہے جبکہ پمپنگ اسٹیشنز کو بھی فعال رکھا گیا ہے تاکہ پانی کی سطح کو جلد از جلد کم کیا جا سکے۔ ناصر حسین شاہ نے خبردار کیا کہ محکمہ موسمیات کے مطابق بارش کا ایک اور اسپیل متوقع ہے جس کے پیش نظر تمام متعلقہ اداروں کو پہلے ہی الرٹ کردیا گیا ہے اور پیشگی انتظامات مکمل کیے جا رہے ہیں تاکہ کسی بھی ہنگامی صورتحال سے نمٹا جا سکے۔ انہوں نے کہا کہ حکومت سندھ عوام کو ہر ممکن ریلیف فراہم کرنے کے لیے پرعزم ہے اور بارش کے دوران شہریوں کو درپیش مشکلات کے ازالے کے لیے تمام وسائل بروئے کار لائے جا رہے ہیں۔
Read Next
1 دن ago
وزیراعلیٰ سندھ مراد علی شاہ کی کراچی کے ایک ضلع میں ووہان طرز کا آزمائشی شہری نظام شروع کرنے کی تجویز
2 دن ago
کورنگی میں پانی کی فراہمی اور منصفانہ تقسیم کے لئے جدید طریقہ کار وضع کیا جائے گا،وزیر بلدیات سندھ
3 دن ago
*چائنا تھرڈ انجینئرنگ بیورو کے کنٹری ہیڈ مسٹر وانگ کی قیادت میں وفد کی وزیر بلدیات سندھ سید ناصر حسین شاہ سے ملاقات*
3 دن ago
محض ریفرنڈم کی بات کرنے سے کوئی نیا صوبہ قائم نہیں ہوسکتااس کے لئے آئینی تقاضے پورے کرنا ہوں گے،وزیر بلدیات سندھ سید ناصر حسین شاہ
3 دن ago
وزیراعلیٰ سندھ سید مراد علی شاہ سے برطانوی ڈپٹی ہائی کمشنر ایلیسن بلیک برن کی ملاقات
Related Articles
سی ایم بلوچستان ایمپلائمنٹ پروگرام کے تحت تربیت حاصل کرنے والے طلباء کے وفد کی وزیر بلدیات سندھ سے ملاقات
4 دن ago
وزیر بلدیات سندھ سید ناصر حسین شاہ نے آرٹس کونسل آف پاکستان کراچی میں منعقدہ بین الاقوامی آرٹ نمائش کا افتتاح کردیا
1 ہفتہ ago



