وزیراعظم محمد شہباز شریف کے قومی بچت اور کفایت شعاری کے جامع پروگرام پر پنجاب میں وسیع عملدر آمد کا آغاز کر دیا گیا ہے-وزیراعلی مریم نواز شریف نے تاریخی عالمی بحران میں پنجاب کے عوام کے لیے بہت بڑے ریلیف پیکج کا اعلان کیا ہے- وزیراعلی مریم نواز شریف نے پنجاب کے تمام شہروں کے اندر چلنے والی پبلک ٹرانسپورٹ فری کرنے کا بڑا اعلان کیا ہے-اورنج لائن ٹرین، میٹرو بس سروس، سپیڈو بس اور گرین الیکٹرو بس میں سفر کے دوران شہریوں کو ٹکٹ نہیں خریدنا پڑے گا-وزیراعلی مریم نواز شریف نے زراعت، خوراک اور کسان کے تحفظ کے لئے نقد رقم دینے کا فیصلہ کیاہے-وزیراعلی مریم نواز شریف نے کاشتکاروں کو فی ایکڑ فی لیٹر ڈیزل پر 100 روپے سبسڈی کا اعلان کیاہے-موٹر سائیکل سواروں کو سبسڈی دینے کا فیصلہ کیاہے، ہر رجسٹرڈ بائیک والے شہری کو 20 لیٹر پر 100 روپے فی لیٹر سبسڈی ملے گی ہر رجسٹرڈ موٹر سائیکل سوار کو ماہانہ 2000 روپے سبسڈی ملے گی-وزیراعلی مریم نواز شریف نے عالمی بحران کے باوجود ایک ماہ تک پاکستان میں پیٹرولیم مصنوعات کی سپلائی اور نرخ برقرار رکھنے پر وزیرا عظم محمد شہباز شریف کو خراج تحسین پیش کیا اور کہاکہ ایک ماہ میں اربوں روپے کا ریلیف دے کر وزیراعظم پاکستان محمد شہباز شریف نے عوام کو مشکلات سے بچانے کی بھرپور اور مخلصانہ کوشش کی-وزیراعظم پاکستان محمد شہباز شریف نے بدترین معاشی صورتحال میں عوام کو ریلیف دیا ہے-مشکل حالات میں عوام کو تنہا نہیں چھوڑیں گے-وزیر اعلی مریم نواز شریف نے عوام سے اپیل کی کہ ان غیر معمولی حالات میں شہری ذاتی سواری کے بجائے پبلک ٹرانسپورٹ استعمال کریں -وزیراعلی مریم نواز شریف نے بتایا کہ جنگ کے نتیجے میں پوری دنیا شدید عالمی معاشی بحران کا شکار ہے- پاکستان درآمدی تیل پر انحصار کی وجہ سے جنگ کے اثرات سے زیادہ متاثر ہو رہا ہے-وزیر اعلیٰ مریم نواز شریف نے عزم کا اعادہ کیا کہ وعدہ ہے حالات کی بہتری کے ساتھ ہی عوام کو معاشی بوجھ سے نجات دلائیں گے-
وزیراعلٰی مریم نواز شریف کا پنجاب کے تمام شہروں کے اندر چلنے والی پبلک ٹرانسپورٹ فری کرنے کا بڑا اعلان
