وائس چیئرمین ایل ڈی اے میاں مرغوب احمد اور ڈی جی ایل ڈی اے طاہر فاروق نے صوبائی دارالحکومت میں جاری ترقیاتی منصوبوں کا دورہ کیا۔وائس چیئرمین ایل ڈی اے اور ڈی جی ایل نے داتا دربار توسیعی منصوبے اور ریلوے اسٹیشن کے اطراف کا دورہ کیا۔چیف انجینئر ایل ڈی اے اسرار سعید اور چیف انجینئر ٹیپا اقرار حسین نے بریفنگ دی۔وائس چیئرمین اور ڈی جی ایل ڈی اے نے دونوں منصوبوں پر جاری ترقیاتی کاموں کا تفصیلی جائزہ لیا۔ اس موقع پر وائس چیئرمین ایل ڈی اے میاں مرغوب احمد نے گفتگو کرتے ہوئے کہا کہ داتا دربار اور بھاٹی چوک کے اطراف ترقیاتی کاموں کی تکمیل سے پورے علاقے کی شکل تبدیل ہو گی۔ چیف انجینئر ٹیپا نے ںریفنگ دیتے ہوئے بتایا کہ داتا دربار کے پیادہ، پیڈسٹرین زون، پیڈسٹرین انڈرپاس پر بیک وقت کام جاری ہے۔ بھاٹی چوک انڈر پاس کی پائلنگ پر کام بلا تعطل جاری ہے۔ڈی جی ایل ڈی اے نے کام کی رفتار اور معیار پر زیرو ٹالرنس اپنانے کی ہدایت کی۔وائس چیئرمین ایل ڈی اے اور ڈی جی ایل ڈی اے نے موہنی روڈ کی ری ماڈلنگ پر جاری کاموں کا بھی معائنہ کیا۔وائس چیئرمین ایل ڈی اے اور ڈی جی ایل ڈی اے نے ریلوے اسٹیشن کے اطراف جاری کاموں کا جائزہ لیا۔ چیف انجینئر ایل ڈی اے اور چیف انجینئر ٹیپا نے ںریفنگ دی۔سرکلر روڈ کی ایک طرف املاک کے فساڈ اور فٹ پاتھ کی تعمیر پر کام جاری ہے۔ریلوے اسٹیشن کے سامنے پارکنگ ایریا کی تعمیر کا کام تکمیل کے قریب ہے۔ وائس چیئرمین میاں مرغوب احمد نے کہا کہ پہلی بار لاہور کے ان علاقوں میں جامع پلاننگ کے تحت ترقیاتی کام ہو رہے ہیں۔ اربن ریجنریریشن کے منصوبوں کی تکمیل سے ٹریفک روانی میں بہتری اور خوبصورتی میں اضافہ ہو گا۔اس موقع پر ایل ڈی اے، ٹیپا، نیسپاک اور ریلوے کے افسران موجود تھے۔
*وائس چیئرمین میاں مرغوب احمد اور ڈی جی ایل ڈی اے کا داتا دربار توسیعی منصوبے اور ریلوے اسٹیشن کے اطراف کا دورہ*
