صوبائی وزیر برائے ہاؤسنگ بلال یاسین کی حلقے میں کھلی کچہری لگائی۔ لیگی مردو خواتین کے مسائل سنے اور موقع پر متعلقہ حکام کو ہدایات جاری کیں۔ اس موقع پر صوبائی وزیر برائے ہاؤسنگ کا کہنا تھا کہ روزمرہ عوامی مسائل کا حل اولین ترجیح ، اعتماد کا رشتہ برقرار رہے گا۔ موجودہ معاشی مشکلات ، خلیجی جنگ کا شاخسانہ ہے۔پٹرول کی قیمت میں رعایت سے وزیر اعظم پاکستان نے عوامی مشکلات میں واضح کمی کا اعلان کیا۔ انہوں نے واضح کیا کہ وزیر اعلیٰ مریم نواز کی ہدایت پر پنجاب کابینہ بھی اپنی تنخواہوں کو عوامی ریلیف کیلئے جمع کروا رہی ہے۔ انشاء اللہ جلد تیل مصنوعات کی قیمتوں میں مزید کمی سے آسانیاں پیدا ہوں گی۔ صوبائی وزیر کا مزید کہنا تھا کہ حکومت کسی صورت عوام کو مشکلات میں دھکیلنا نہیں چاہتی، عوامی خدمت اور ترقی کا سفر آسان نہیں، بھرپور محنت اور قربانی درکار ہے۔ لیگی کارکنان نے حلقے میں ترقیاتی کاموں پر صوبائی وزیر بلال یاسین کا شکریہ بھی ادا کیا۔
