پنجاب،تمام مارکیٹیں اور شاپنگ مالز رات 8 بجے،ریسٹورنٹس اور شادی ہالز رات 10 بجے بند ہوجائیں گے،نوٹیفکیشن جاری

پنجاب حکومت کا بڑا فیصلہ، وزیراعلیٰ پنجاب کی ہدایت پر صوبے بھر میں کفایت شعاری کے سخت اقدامات نافذ کردیے گئے۔ ڈپٹی کمشنر لاہور نے مارکیٹیں رات 8 بجے، ریسٹورنٹس اور شادی ہالز 10 بجے بند کرنے کے احکامات پر عملدرآمد کی ہدایت کردی۔موجودہ معاشی صورتحال کے پیش نظر، وزیراعلیٰ پنجاب کی خصوصی ہدایت پر پنجاب بھر میں بچت اور کفایت شعاری کے نئے اقدامات کا نوٹیفکیشن جاری کردیا گیا ہے۔ ڈپٹی کمشنر لاہور کیپٹن (ر) محمد علی اعجاز کی ہدایت کہ تمام مارکیٹیں اور شاپنگ مالز رات 8 بجے جبکہ ریسٹورنٹس اور شادی ہالز رات 10 بجے بند ہوجائیں گے۔ سرکاری محکموں کیلئے بھی سخت پالیسی اپناتے ہوئے سرکاری گاڑیوں کے فیول کوٹے میں 50 فیصد کٹوتی، نئی گاڑیوں کی خریداری پر پابندی اور سرکاری عشائیوں پر مکمل پابندی عائد کردی گئی ہے۔ ڈپٹی کمشنر نے تمام اسسٹنٹ کمشنرز کو ان احکامات پر سختی سے عملدرآمد کو یقینی بنانے کی ہدایت کی ہے۔