چیئرمین پنجاب ریونیو اتھارٹی معظم اقبال سپرا کی زیر صدارت ریونیو اہداف بارے جائزہ اجلاس ہوا۔ صوبے میں سروسز سیکٹر سے ریونیو اہداف کے حصول کا تفصیلی جائزہ لیا گیا۔ موجودہ مالی سال کے مقررہ ٹیکس اہداف اور وصولیوں کا تقابلی تجزیہ پیش کیا گیا۔پنجاب ریونیو اتھارٹی نے ڈیفالٹرز کیخلاف کارروائیوں کو مزید تیز اور مؤثر بنانے کا فیصلہ کیا ہے۔ ٹیکس ادائیگی میں خردبرد کرنیوالوں کی مانیٹرنگ کو مزید سخت اور انٹیلیجنس بیسڈ آپریشنز بڑھائے جائیں گے۔ چیئرمین پنجاب ریونیو اتھارٹی نے فیلڈ فارمیشنز کو ڈیجیٹلائزیشن، ای فائلنگ اور ڈیٹا بیس کے مؤثر استعمال سے ٹیکس وصولی بڑھانے کی ہدایت کی ہے۔ معظم اقبال سپرا کا کہنا تھا کہ آئندہ مہینوں کیلئے واضح اہداف مقرر کرتے ہوئے کارکردگی کی مسلسل مانیٹرنگ یقینی بنائی جائے۔ انہوں نے واضح کیا کہ ٹیکس کلچر کے فروغ اور کیش لیس اکانومی بارے عوامی آگاہی مہم کو تیز کیا جائے گا۔
*پنجاب ریونیو اتھارٹی کا ڈیفالٹرز کیخلاف کارروائیوں کو مزید تیز اور مؤثر بنانے کا فیصلہ*
