صوبائی وزیر ہاؤسنگ اینڈ اربن ڈویلپمنٹ بلال یاسین نے حلقے کے مختلف علاقوں کا دورہ کیا اور تعمیراتی کاموں کا جائزہ لیا۔ شہریوں و لیگی کارکنان کی بڑی تعداد نے صوبائی وزیر کا استقبال کیا۔ اس موقع پر ان کا کہنا تھا کہ وزیر اعلیٰ پنجاب مریم نواز شریف نے یونین کونسل کی سطح پر درپیش مسائل کے حل کیلئے تاریخی بجٹ فراہم کیا ہے۔ شہریوں کو بنیادی سہولیات کی فراہمی کیلئے حکومت پنجاب کے تمام وسائل بروئے کار لائے جا رہے ہیں۔ وزیر ہاؤسنگ پنجاب نے واضح کیا کہ ترقیاتی منصوبوں میں شفافیت اور معیار پر کوئی سمجھوتہ نہیں کیا جائے گا۔ حلقے کی عوام سے براہ راست رابطہ مسائل کے مؤثر حل اور بہتر گورننس کیلئے ضروری ہے۔ صوبائی وزیر بلال یاسین نے کاروباری اوقات کار پر عائد پابندی ختم کرنے پر وزیر اعلیٰ پنجاب کا شکریہ ادا کیا۔ ان کا مزید کہنا تھا کہ کاروباری سرگرمیوں پر عائد پابندیاں ہٹنے سے تاجر برادری کیلئے آسانی ہوئی ہے۔ انشاء اللہ جلد پٹرولیم مصنوعات کی قیمتوں میں کمی سے عوامی ریلیف کا سلسلہ شروع ہوگا۔
*صوبائی وزیر ہاؤسنگ بلال یاسین کا حلقے کے مختلف علاقوں کا دورہ، تعمیراتی کاموں کا جائزہ۔*
